PAMMUJI 70:2 - KITTA' MATANGKASA'

² O, Allata'ala, pasalamaka', O, Batara, karo-karo maKi' antulunga'!

PAMMUJI 70:2 Iomraidhean Croise

PAMMUJI 109:29

Boli'mi kamma tau antudua' nikalimbuki ri kahinaang, siagang siri'-siri' angkalimbuki ke'nanga sanrapang juba.

PAMMUJI 141:1

Pammuji battu ri Daud. Akkioka' mae ri Katte, o, Batara, Kitulung laloa' linta'! Kipilangngeria' punna akkioka' mae ri Katte.

PAMMUJI 22:12

TeaKi' bellai, saba' a'reppese'mi bahayaya, na tena antulunga'.

PAMMUJI 22:20

Mingka iKatte, teaKi' bellai, o, Batara, battu maKi' linta' antulunga', saba' iKattemi kagassingangku.

PAMMUJI 35:26

Boli'mi kamma tau sannanga anciniki pa'risikku a'jari lingu siagang a'jari siri'-siri'. Boli'mi kamma tau napattampoanga kalenna mae ri nakke nihina siagang nipakasiri'.

PAMMUJI 35:4

Boli'mi kamma tau eroka ambunoa' nibeta na nipakasiri'. Boli'mi kamma tau assikongkoloka ambalianga' ammunduru' siagang lingu.

PAMMUJI 40:14

O, Batara, Kipasalama' laloa', o, Batara sadia maKi' untu' antulunga'!

PAMMUJI 6:10

Napilangngeri Batara pappalakku na natarima sambayangku.

PAMMUJI 71:12

TeaKi' bellai battu ri nakke, o, Allata'ala, Allata'alaku, Kitulunga' linta'.

PAMMUJI 71:13

Boli'mi kamma nipakasiri' siagang nipa'lanynya' tau ambakkaia'. Boli'mi kamma a'jari lingu siagang a'jari hina tau eroka ancilakaia'.

YESAYA 28:13

Lanri kammana anjo laNaajarakko Batara tasse're-se're hurupu', tassibuku-tassibuku kana, kammayatompa tassilampang-tassilampang bicara. Na ri wattunnu a'jappa latu'guru' tumingarako sa'gennu loko', nialle ri sikko' siagang nitahang.

YESAYA 41:11

Ciniki, sikontu tau larroa mae ri kau, lanibetai nammakkala' kacci. Tau angngewayako, lapanraki nala'busu' nibarrasa'.

YOHANES 18:6

Ri wattunna Nakana Isa ri ke'nanga, angkana, “INakkemi anne,” ammono'boko ngasemmi ke'nanga, nampa tu'guru' naung ri buttaya.