PAMMUJI 7:8 - KITTA' MATANGKASA'

⁸ Kipa'rappungi sikontu bansa-bansaya ri tammuliliTa, Kikoasai ke'nanga battu ri empoang kala'biranTa ri suruga.

PAMMUJI 7:8 Iomraidhean Croise

PA'JARIANG 18:25

Tea laloi nanibunoi anjo tau tenaya salana assama-sama siagang tau salaya. TeaKi' Batara! Nasaba' punna kamma anjo laKigaukang, ma'nassa anjo tau tenaya salana lanipasihukkungi siagang tau niaka salana. Maka akkullei hakinna sikontu linoa la'gau' tena adele'!”

PA'JARIANG 31:53

Allata'ala napakalompoa Abraham siagang manggeku Nahor la'jari haking mae ri katte.” Nampa assumpamo Yakub lanri Allata'ala nasombaya Ishak, manggena, untu' anrupai anjo janjinna.

2 PATTOTTORANG 20:12

IKattemi Allata'alana ikambe! Kihukkung laloi anjo ke'nanga lanri tenana pakkullena ikambe andallekangi tantara kammaya anjo jaina, eroka ambunduki ikambe. Tenamo naassengi apa lanagaukang ikambe, lanri kammanami anjo nabattu ikambe mae ri Katte untu' appala' tulung.”

PAMMUJI 11:4

Batara niaki ri Balla' matangkasa'Na, empoang kala'biranNa niaki ri suruga. Najannangngi umma' rupataua na Naasseng sikontu panggaukanna ke'nanga.

PAMMUJI 25:21

Poro nirurungang laloa' ri kabajikang siagang kalambusang, saba' manrannuanga' mae ri Katte.

PAMMUJI 26:1

Pammujina Daud. Kisarea' kaadelang, o, Batara, saba' lambusu' pa'maika' lalang tallasakku. Manrannuanga' mae ri Batara, Tena kuranggasela manna sike'de'.

PAMMUJI 26:11

Mingka inakke lambusu' pa'maikka' lalang tallasakku, Kikamaseanga' siagang Kilappassang laloa'.

PAMMUJI 41:12

Punna tena nabeta' musungku, kuassemmi angkanaya mangngellaiKi' ri nakke.

PAMMUJI 43:1

Kisarea' kaadelang, o, Allata'ala, Kipattojengi hakku mae ri bansa dorakaya. Kilappassanga' battu ri tu ja'dalaka siagang patipua.

PAMMUJI 78:72

Naparakai Daud ke'nanga siagang situlusu' pa'mai'na, cara'deki Daud ampimpingi ke'nanga.

PAMMUJI 82:1

Pammujina Asaf. Allata'ala ampimpingi sidang kakaraenganga ri suruga, nampa assare kaputusang angkana,

PAMMUJI 9:8

Batara ammarenta satunggu-tungguna; Napaenteng empoang kala'biranNa untu' angngadeli linoa.

PAMMUJI 96:13

Saba' Batara battu ammarenta ri lino, laNaadeli bansa-bansaya siagang adele' na lambusu'.

PAMMUJI 98:9

Saba' battui untu' angngadeli linoa; bansa-bansaya laNaadeli siagang adele' na tojeng.

PANGNGEBARANG 19:1

Bajikangngangi tu kasi-asi lambusuka ri tallasa'na, kala tau tolo nangaia a'balle-balle.

LAMPA-LAMPANA 17:31

Nasaba' le'ba'mi Napattantu wattunna nalaNaadeli sikontu bonena anne linoa siagang adele'. Anjo tugasaka lanagaukangi tau le'bakamo nipile ri Allata'ala untu' anggaukangi anjo tugasaka. Na sollanna akkulle tappa' ngaseng taua ri anjo passalaka, Napattallasa' poleammi Allata'ala anjo taua battu ri kamateanga!”

2 KORINTUS 1:12

Lompomi pa'mai'na ikambe lanri tappa'na ikambe, angkanaya sikamma apa nagaukanga ikambe ri anne linoa, la'biangampa pole nagaukanga ikambe mae ri kau ngaseng, akkullemi nagaukang ikambe siagang lambusu' pa'mai' kammayatompa ati maci'nong. Yangasenna anjo nagaukangi ikambe, teai lanri kacara'dekanna ikambe, mingka lanri pakkulle Napassareanga Allata'ala mae ri kambe.

1 TESALONIKA 2:10

Matangkasaki, tojengi, siagang tena callanna katallassanna ikambe mae ri kau ngaseng, ikau matappakamo mae ri Almasi. Ikau ngasemmi siagang Allata'ala, a'jari sa'bina ikambe.