PAMMUJI 67:3 - KITTA' MATANGKASA'

³ O, Allata'ala, poro naasseng laloi erotTa sikontu linoa, siagang nipa'nyata kasalamakkanTa ri sikontu bansaya.

PAMMUJI 67:3 Iomraidhean Croise

PAMMUJI 119:175

Boli'ma' kamma attallasa', sollanna kumammuji ri Katte, poro nitulunga' ri sikamma katantuanTa.

PAMMUJI 142:7

Kiparhatikangi pakkiokku, saba' sanna' sessaku. Kipasalamaka' battu ri musu-musungku, saba' teai sipato' kassa'na untu' inakke.

PAMMUJI 45:17

Ikau, karaengku, langgappako jai ana' bura'ne untu' angngempoi empoang kala'biranna boe-boeta. Nupa'jari ke'nanga tau koasa mae ri sikontu linoa.

PAMMUJI 67:5

Poro akkio' rannu ngasengi sikontu bansaya, nakkelong a'rannu-rannu. Saba' iKatte ammarenta siagang adele' na Kirurungang massing-massing bansaya ri lino.

PAMMUJI 74:21

TeaKi' balang parekangi nipakasiri' tau nijallakkanga, poro mammuji mae ri Katte tupa'risika siagang tu kasi-asia.

YESAYA 49:6

Nakana Batara ri nakke, “He atangKu, attayangi tugasa' lompoanganga ri kau; tena nanupoterang bawang sesa turunganna Yakub siagang nupoterang kalompoanna suku-suku Israel, mingka Kupa'jari tongko singara' mae ri bansa-bansaya, sollanna nipasalama' sikontu bonena linoa.”

MIKHA 5:3

Punna battu anjo tumakoasaya, laNaparentai umma'Na lalang kagassinganNa siagang kakoasang battua ri KalenNa Karaeng Allata'ala. Laamangi tallasa'na umma'Na, lanri sikontu taua ri sikontu linoa lanamangakui kabusuki kalompoanNa,