PAMMUJI 67:2 - KITTA' MATANGKASA'

² Poro Nakamaseang laloki' siagang Nabarakkaki laloki' Allata'ala, poro lammoro' pa'maiki anciniki ngasengki'.

PAMMUJI 67:2 Iomraidhean Croise

PAMMUJI 117:2

Saba' lompoi pangngamaseanNa Batara mae ri katte tamamminrayai satunggu-tungguna. Nipujimi Batara!

PAMMUJI 4:7

Jai tau makkuta'nang, “Inai lambarakkakiki'?” Poro mangngellaiKi' ri anne kambe, o Batara.

PAMMUJI 41:5

Kukana, “Dorakama' mae ri Katte, o, Batara, kamaseanga' siagang Kipammollea' ri garringku.”

PAMMUJI 43:5

Angngapa nasi'na siagang lussa' pa'maikku? Manrannuanga' ri Allata'ala, na kulappala' sukkuru'mo pole mae ri Ia, ri Allata'alaku siagang Tumappasalamakku.

YESAYA 49:6

Nakana Batara ri nakke, “He atangKu, attayangi tugasa' lompoanganga ri kau; tena nanupoterang bawang sesa turunganna Yakub siagang nupoterang kalompoanna suku-suku Israel, mingka Kupa'jari tongko singara' mae ri bansa-bansaya, sollanna nipasalama' sikontu bonena linoa.”

YESAYA 52:10

Napappicinikang Batara kakoasanNa ri dallekang matanna sikontu bansaya. Nanasa'bi sikontu buttaya kasalamakkang battua ri Allata'alata.

DANIEL 9:17

O Allata'alana ikambe, Kipilangngeri laloi pappala' doangku siagang sambayangku. Kipakabajiki ammotere' anjo ballatTa le'baka niancuru'; Kipakabajiki sollanna sikontu taua akkullei naasseng angkanaya iKatte Allata'ala.

MATIUS 28:19

Jari a'lampamako mange ri sikontu bansaya ri lino, pa'jarimi ke'nanga ana'-ana' gurungKu. Je'neki ke'nanga lalang arenNa Manggea, siagang Anaka, kammayatompa RohNa Allata'ala.

LUKAS 3:6

Lanacini'mi sikontu bonena linoa Napasalama' Allata'ala rupataua!’ ”

LAMPA-LAMPANA 13:10

nampa nakana, “He, ikau paballe-balle lompoa, ana' tu sannaka ja'dala'na! Ikaumi musunna sikontu apa-apa bajika. Angngapa nutaeroka ampamari anrompa-rompai ero'Na Allata'ala untu' ampasalamaki rupataua?

LAMPA-LAMPANA 18:25

kammayatompa le'ba'mi niajara' sollanna naasseng pangngajarranga ri passala'na Isa. Mingka nampami sa'genna passala' pa'je'ne' nagaukanga Yohanes naasseng. Mingka manna nakamma sanna'mi lompona sumanga'na angngajara'. Naajara' baji'-baji'mi taua ri passala'na Isa.

LAMPA-LAMPANA 22:4

Le'baki kusessa sa'genna mate tau tappaka mae ri anjo pangngajarang berua. Kujakkala' ngasengi ke'nanga, bura'ne baine, nampa kupantama' ri tarungkua.

LAMPA-LAMPANA 9:31

A'jari sannammi sikontu jama'aka ri Yudea, Galilea, siagang Samaria. Na lanri malla'na ri Batara siagang pannulunNa RohNa Allata'ala, pila' jarre'mi siagang pila' katambammi jaina ke'nanga.

TITUS 2:11

Nasaba' Napappicinikammi lammoro' pangngamaseanNa Allata'ala, sollanna Napasalama' sikontu rupataua.