PAMMUJI 44:3 - KITTA' MATANGKASA'

³ IKatte kalenTa ambongkai bansa-bansaya sollanna ammantang ummatTa ri pa'rasanganna ke'nanga. Bansa-bansa maraenga Kicilakai, mingka ummatTa Kilappassang a'bakka'-bakka'.

PAMMUJI 44:3 Iomraidhean Croise

2 SAMUEL 7:23

Ri sikontu linoa tena nia' bansa sangkamma Israel. Tena ruanna bansa Israel le'ba' Kilappassang battu ri tunipare' ataya untu' Kipa'jari umma' kalenTa. Sikontu gau' malompoa siagang appakalannasaka Kigaukanga mae ri ke'nanga, ampa'jari masahoroki arenTa ri sikontu linoa. Bansa-bansa maraenga siagang rewata-rewatana le'ba'mi Kibongka ri wattunna maju ummatTa a'bundu'.

2 PATTOTTORANG 20:7

IKattemi Allata'alana ikambe. Ri wattunna battu ummatTa Israel mae anrinni ri pa'rasanganga, Kibongkai sikamma tau niaka ammantang anrinni anjo wattua. Nampa Kipassareang anne pa'rasanganga mae ri jari-jarina Abraham, belata, untu' a'jari butta napatang ke'nanga satunggu-tungguna.

PAMMUJI 111:6

Le'ba'mi Napappicinikang koasaNa mae ri umma'Na, iamintu Nasarei ke'nanga butta pisaka bansa-bansaya.

PAMMUJI 17:7

Kipicinikianga' pangngamaseang malompoTa saba' Kipasalamaki tau ma'la'langa mae ri Katte, amangi ke'nanga ri sa'rinta battu ri pa'bakkana musua.

PAMMUJI 20:6

Na makkio' marannu ikambe lanri pammetannu, nimangngangka' bate-bate untu' mammuji ri Allata'alata. Poro Napa'jari Batara sikontu pappala'nu.

PAMMUJI 4:6

Passareangi koro'bang mannabaya na tappa' mako ri Batara.

PAMMUJI 42:11

Ancuru' taba sikali pa'maikku lanri nicau-cau ri musu. Tulusu' akkuta'nanna ke'nanga angkana, “Kemaeji Allata'alanu?”

PAMMUJI 42:5

Punna kuu'rangi wattu riolo si'nai pa'maikku, ri wattungku mange ri Balla'Na Batara ri Yerusalem siagang tau jaia appare' passua'-suarrang. A'jappa' ri dallekanna barisang tau jaia akkio' rannu akkelong lagu pammuji.

PAMMUJI 74:11

Angngapa natenamo Kitulungi ikambe? Angngapa Kipapantarang limanTai anne ikambe?

PAMMUJI 77:15

IKattemi Allata'ala anggaukangai gau' appakalannasaka, le'ba'mi Kipa'nyata koasaTa ri alla'na bansa-bansaya.

PAMMUJI 78:55

Ri dallekanna umma'Na na Nabongka panduduka anjoreng nampa Nabage-bage anjo pa'rasanganga mae ri sikontu suku bansa Israel, umma'Na, sa'genna akkulle napammantangi ke'nanga kema-kemana musunna.

PAMMUJI 80:16

Kipasalamaki ummatTa sanrapang poko' anggoro' le'baka Kilamung kalenTa, siagang cu'la' anggoro' Kipakajarreka.

PAMMUJI 80:9

UmmatTa sanrapangi poko' anggoro' Kipaletteka battu ri Mesir. Kibongkai bansa-bansa maraenga, nampa Kilamung anjo pokoka ri pa'rasanganna ke'nanga.

KALAPPASSANG 15:16

Tamaka malla'na ke'nanga ansa'bikangi kagassinganNa Batara. Ammalona ummatTa, takkulleai musua antahangi; ta'lappasa'mi bansa le'baka Kilappassang.

YESAYA 63:12

Kemae Batara le'baka anrurungangi Musa siagang limanNa makassaka, ambage ruayai je'neka ri dallekanna ke'nanga sollanna masahoro' arenNa satunggu-tungguna?

ZAKHARIA 4:6

Nasuroa' anjo malaekaka ampabattui mae ri Zerubabel anne pasanNa Batara angkanaya, “Teai lanri kagassingang tantara siagang teai todong lanri kagassingang kalennu nulappa'jari pattujuang, pasangalinna lanri RohKu.

PAMMILANGNGANG 14:8

Punna Naerokangi Batara, laNaerangki' mange anjoreng nampa Napassareang anjo pa'rasangang kalumanynyanga siagang copponga mae ri katte.

2 KORINTUS 4:7

Mingka anjo pa'barang-barangang rohani ga'gaya, ikambemi anne angngerangi, iami antu tubu tenaya anggaranna lanri buttaji nipare'. Lanri kammana, ma'nassami angkanaya anjo koasa malompoa niaki ri Allata'ala, jari tena nania' ri kambe.

PAOLE 10:15

Mingka teai sipato' lompona pangngamaseanNa Batara mae ri boe-boenu, sa'genna ikaumi Napile battu ri alla'na sikontua bansa, siagang sa'genna kamma-kamma anne ikauji umma'Na Napilea.

YOSUA 24:12

Ri wattunnu maju ambunduki ke'nanga, Kupa'jari lingui ke'nanga siagang Kupa'jari mallaki ke'nanga, sa'genna larimo anjo ruaya karaeng tu Amori napakamma malla'. Teai pa'dannu siagang teai todong pananu assareko pammetang.

YOSUA 3:10

Punna majuko sinampe', mattantu laNabongkai Batara anjo tu Kanaan, tu Het, tu Hewi, tu Feris, tu Girgasi, tu Amori siagang tu Yebus. Siagang punna a'limbammo Patti ParjanjianNa Batarana sikontu linoa ri Binanga Yordan a'jappa ri dallekannu, lanuciniki angkanaya niaki Allata'ala mattallasaka ri tangnga-tangnganu.

1 SAMUEL 12:22

Le'ba'mi assumpa Batara, angkanaya tena nalaNabokoiko, lanri le'ba'namo Napattantu angkanaya laNapa'jariko umma' KalenNa.