PAMMUJI 44:1 - KITTA' MATANGKASA'

¹ Pammujina golongang Korah. Kelong pangngajarang. Untu' pamimping pakelong.

PAMMUJI 44:1 Iomraidhean Croise

PAMMUJI 22:31

Sikamma turungang ri bokoa lanynyombai ri Batara, lanibirittakangi sa'genna sikamma turungang ri bokoa.

PAMMUJI 42:1

Untu' pamimpin pakelong. Kelong pangngajarang golongang Korah.

PAMMUJI 71:18

O, Allata'ala, tea' laloKi' bokoia', sa'gengku toa siagang kebo' uukku, sollanna kukabarrang koasaTa siagang kaporeanTa mae ri sikontu turungang labattua.

PAMMUJI 77:5

Takkullea' napatinro Batara punna bangngi, lussaki pa'maikku sa'gengku takkullea akkana.

YESAYA 38:19

Tuttallasa' bawang akkulle mammuji ri Katte, kamma kugaukanga anne alloa. Tutoa ancaritai ri ana'na ri tamaka tamamminraTa, o Batara.

YO"EL 1:3

Caritai anjo kajarianga mae ri ana'-ana'nu; sollanna nacarita ke'nanga anjo caritaya mae ri ana'-ana'na. Ana'na ri bokoa musti nalangngere' tongi, nampa napannarrusu' todong mae ri ana'na sallang.

PAOLE 6:20

Ri allo ri boko lakkuta'nangi ana'-ana'nu mae ri kau angkana, ‘Angngapai Karaeng Allata'alata naNasuroki' anturuki sikontu anjo parentaya?’

HAKING-HAKING 6:13

Appialimi Gideon angkana, “Kipammopporanga' Batara! Punna kontutojeng angkanaya nirurungangi ikambe ri Batara, angngapa nania' ngaseng anne kammaya antujui ikambe? Kemaeji anjo sikontu le'baka Nagaukang Batara riolo, siagang nacaritaya boe-boena ikambe antekamma bateNa Batara ampasuluki ke'nanga battu ri Mesir? Kamma-kamma anne nibokoimi ikambe ri Batara. Nabalang parekammaki' nikoasai ri bansa Midian.”