PAMMUJI 4:8 - KITTA' MATANGKASA'

⁸ Kipa'jari la'bi rannu pa'maikku natau la'bi jaia kattoanna.

PAMMUJI 4:8 Iomraidhean Croise

PAMMUJI 16:11

Kipicinikianga' oloang mangea ri katallassanga; battu ri Kattema' anggappa karannuang alla'bi-la'bi siagang mate'ne sa'genna satunggu-tungguna.

PAMMUJI 3:5

Makkioka' ri Batara; Nappiali ri nakke battu ri bulu' matangkasa'Na.

PANGNGEBARANG 3:24

Lamangeko attinro tamallaka pakkasia'nu, siagang labajiki tinronu sila'busu' bangngi.

YESAYA 9:2

O, Batara, Kisarei ke'nanga karannuang lompo, Kipa'jari ke'nanga makkio' rannu. Rannui ke'nanga lanri kabajikanTa, rapang tau a'rannu-rannua wattu napasse'rena wassele' kattoanna, yareka a'bage barang nirampasa'.

YEHEZKIEL 34:25

LapparekKa' parjanjiang siagang ke'nanga, ampattantui kaamangnganna ke'nanga. LaKubongkai sikontu olo'-olo' sekkeka battu ri sikontu pa'rasanganga, sa'genna akkulle sikamma gimbalakKu ammantang siagang amang ri sikamma paranga siagang attinro ri romanga.

HOSEA 2:18

Anjo wattua lapparekKa' parjanjiang siagang sikontu rupanna olo'-oloka, sollanna tanaganggua ke'nanga ummakKu. LaKupammari sikontu pa'bundukanga siagang Kupabella ngasengi sikontu pakkakasa' pa'bundukanga battu ri pa'rasanganna ummakKu, naKupakasannang siagang Kupakaamang tallasa'na ke'nanga.

KAIMANGNGANG 26:5

Lalla'bi-la'bi wassele'na buttanu, sa'genna akkatto ijako gandung, nanarapi'mo sedeng wattu pangngalleanna rappo anggoroka. Siagang punna narapi'mo wattunnu la'lamung gandung, tenapa nule'ba' angngalle ngasengi rappo anggoro'nu. Lagannaki kanre-kanreannu siagang lasalewangangi tallasa'nu lalang ri pa'rasangannu.

PAOLE 12:10

Punna le'ba' mako a'limbang ri Binanga Yordan, laNatulungko Karaeng Allata'alanu untu' ampantamakki siagang ampammantangngi anjo butta niaka ri ba'leanna anjo binangaya. LaNajagaiko battu ri sikontu musua, siagang laamangko siagang salewangangko lalang tallasa'nu.

1 TESALONIKA 5:10

Matemi Isa untu' ikatte, sollanna punna battu poleang sallang – baji' nanittallasa' ija, yareka nakimatemo – akkulleki' attallasa' sipa'rurungang siagang Ia.

PAPPICINI' 14:13

Nampa nia' kulangngere' sa'ra battu ri suruga angkana, “Tulisiki anne: Maupaki tau matea appakkaramula ri kamma-kamma anne, ilalang nalayanina Batara!” Appialimi RohNa Allata'ala angkana, “Annabai! Lammari ke'nanga anjama terasa', lanri tuli nia'na wassele' palayananna ke'nanga anrurungangi.”