PAMMUJI 34:10 - KITTA' MATANGKASA'

¹⁰ Pakala'biriki Batara, he ikau ngaseng umma'Na, nasaba' tena nalakakurangang tu mappilangngeria.

PAMMUJI 34:10 Iomraidhean Croise

PAMMUJI 84:11

Bajikangngangi sialloa ri BallatTa nasisa'bu allo ri tampa' maraenga. Kualleangangi a'jaria pajaga ri pakke'bu' lompona Balla'Na Allata'alaku naia ammantanga ri balla' tau ja'dalaka.

MATIUS 6:32

Tau tenayaji natappa' ri Allata'ala tuli angngondang dudui sikammaya anjo. Sikontutojenna le'ba' Naasseng memanji Manggenu ri suruga, angkanaya nuparalluang ngasengi anjo sikammaya.

PAMMUJI 104:21

Singa-singa rungkaya ammarrammi amboyai apa lanakanrea, appala' kanre Napasadiaya Allata'ala.

PAMMUJI 23:1

Pammujina Daud. Batara sanrapang pakalawaki mae ri kalengku, tena kukakurangang.

PAMMUJI 33:19

Napasalamaki ke'nanga battu ri kamateanga, na Natallassi ke'nanga ri wattu kacipuranga.

PAMMUJI 112:3

Lakalumanynyangi siagang lacoppongi kaluargana, siagang lasalewangangi satunggu-tungguna.

PANGNGEBARANG 10:3

Batara tena Nabalang parekangi tau bajika naalle cipuru'; mingka Nahalangi tau ja'dalaka sollanna tanagappaya apa nakaerokia.

PANGNGEBARANG 19:23

Pakalompoi Batara, na nuttallasa' mate'ne; lasukkuki pakkasia'nu siagang lata'lappasakko battu ri balaya.

PANGNGEBARANG 22:4

Tau mappilangngeria ri Batara na napakatuna kalenna, lamate'nei, kala'biangi, siagang nipakalompoi.