PAMMUJI 32:3 - KITTA' MATANGKASA'

³ Lalang tenanapa kumangakui dosaku, ta'ronangi pakkasiakku lanri akkunrarenga' sila'busu' allo.

PAMMUJI 32:3 Iomraidhean Croise

2 SAMUEL 11:27

Nampa le'ba'na kasusaanna, nasuro allemi Daud anjo bainea nanierang mange ri balla' kakaraenganga siagang nabaineammi. Siapa are bulang ribokoanganna allassukammi sitau ana' bura'ne. Mingka tena nasannang pa'mai'Na Batara mae ri anjo panggaukanna Daud.

AYUB 3:24

Sambenna angnganrea, akkunrarenga', tena ammariku a'rikong.

AYUB 30:17

Ri wattu bangngi tilu ngaseng buku-bukungku; tenammarina anno'do' pa'risi'na.

AYUB 30:30

A'jari le'lemmi bukkulengku; rapang nitunumi kalengku ri rammusu'.

PAMMUJI 22:1

Untu' pamimping pakelong. Situru' lagu: Jonga ri wattu bari'basa'. Pammujina Daud.

PAMMUJI 38:3

Annarrusuki ana' panaTa ambokkaki kalengku, battalaki kusa'ring limanTa anjallakkanga'.

PAMMUJI 38:8

Nitunui ri rammusu' tubuku, tenamo baji' ri batangkalengku.

PAMMUJI 51:8

Kituntuka' situlusu' atinTa; Kipirassimi atingku siagang pangngassenganTa.

PAMMUJI 6:2

O, Batara, teaKi' kapallakkia' lalang pangngalarroinTa, teaKi' hukkungia' lalang kalussakkangku.

PANGNGEBARANG 17:22

Rannu pa'maika napakkamalei tubua; pa'mai' susaya annepoki sumanga'.

PANGNGEBARANG 28:13

Inai ancokkoi dosana tena nalaupa'. Inai angngakui, lanabokoi, nampa laNikamaseang ri Batara.

YESAYA 51:20

Tunggala' ri cappa'na aganga tu'guru' ngasengi taunnu lanri cappu'mi kagassinganna rapang jonga nialle ri tado'. Nitujui ke'nanga ri pangngalarroiNa Batara, siagang nitabai ri pangga'gara'Na Allata'alanu.

YESAYA 57:17

Dosa lanri ngoana ke'nanga ampakanassuA', lanri kammana naKuhukkung siagang Kubokoi ke'nanga. Mingka terasa' dudui ulunna ke'nanga na tuli ero'na naturukiang.

YESAYA 59:11

Mallaki siagang si'nai pa'mai'na ikambe; a'boyai kaadelang ikambe, mingka tena; a'minasai ikambe ri kasalamakkang, mingka sia-siaji.

PIRAUNG 1:3

Nabokoimi tu Yehuda pa'rasanganna, lanri nipa'jarina ata na tamaka pa'risi'na tallasa'na. Anne kamma nia'mi ri tangnga-tangngana bansa maraeng tampa' tenaya nasalewangang. Nikurummi ri musunna ke'nanga ri wattu pa'risi'na tallasa'na.

PIRAUNG 3:4

A'bokka'-bokka' kalengku napakamma, na tepo' buku-bukungku.

PIRAUNG 3:8

Ammarranga' appala' tulung, mingka taerokai Allata'ala ampilangngeria'.

HOSEA 7:14

Tena nattojeng-tojeng ke'nanga appala' doang mae ri Nakke. Punna appala' doangi ke'nanga, napatappasaki kalenna naung ri katinroanga, siagang appiraungi ke'nanga sangkamma nagaukanga tau tenaya natappa' mae ri Nakke. Punna appala' doang ke'nanga untu' appala' gandung siagang anggoro', naloko'-lokoki kalenna ke'nanga sangkamma nagaukanga tu anynyombaya mae ri rewataya. Ma'nassa angngewa tojeng-tojengi ke'nanga ri Nakke!

1 SAMUEL 31:13

Sikontu buku-bukunna dipasse'rei nampa ditarawang irawanganna se'reang poko' kayu ri anjo kotaya. Nampa appuasa ke'nanga tuju allo sallona.