PAMMUJI 3:3 - KITTA' MATANGKASA'

³ Jaimi tau mangkana taerokai Allata'ala antulunga'.

PAMMUJI 3:3 Iomraidhean Croise

PA'JARIANG 15:1

Le'baki anjo, anggappami Abram pappiso'na siagang nalangngere'mi Batara angkana ri kalenna, “Teako mallakki Abram. LaKujagaiko battu ri balaya, siagang laKusareko pahala lompo.”

PA'JARIANG 40:13

Lalang wattu tallungngalloa anne, lanalappassangko karaenga. Lanapammopporangko siagang lanapoterangko mae ri jama-jamannu rioloa. Lanupatalai kaca pangnginunganna mae ri karaenga sangkamma riolo.

2 KARAENG-KARAENG 18:30

Teako pilangngeri panynyonyo'na untu' manrannuang ri Batara. Teako kapangngi angkanaya laNapasalamakko Batara yareka laNarompai tantara Asyur untu' angngallei kotanu.

2 KARAENG-KARAENG 18:32

sa'gennu kupalette' mange ri se'reang pa'rasangang eroka sangkamma pa'rasangang kalennu. Anjoreng nia' koko anggoro' a'rappoa untu' ikau, siagang koko gandung assarea wassele' labu' untu' kanrenu. Anjoreng ri pa'rasanganga jai poko' zaitun, minynya' zaitun siagang je'ne' bani. Punna nuturuki apa kupassuroanga mae ri kau, lattallasakko la'bu umuru'nu. Teako pilangngeri Hizkia! Poro ero'naji amballe-balleiko angkanaya laNapasalamakko Batara.

2 KARAENG-KARAENG 25:27

Ri tanggala' 27 bulang 12 lalang ri taung makatallumpulo antuju le'ba'na niengka' Yoyakhin mange ri pammelakkanga, Ewil-Merodakh a'jari karaeng ri Babel. Ia memang anjo taunga namangngamaseang mae ri Yoyakhin na nalappassang battu ri tarungkua,

PAMMUJI 110:7

Langnginungi karaenga battu ri binanga biring aganga, ri le'ba'namo nipakagassing, ammetami.

PAMMUJI 119:114

IKattemi mappatojengku siagang pa'la'langangku, manrannuanga' mae ri janjinTa.

PAMMUJI 18:2

Mangngaia' ri Katte, o, Batara, iKattemi kagassingangku.

PAMMUJI 27:6

Anne kamma ammetama' mae ri musungku niaka angkatulunga'; jari makkio' rannuma' assare koro'bang sukkuru' ri BallatTa; erokka' akkelong siagang mammuji mae ri Batara.

PAMMUJI 28:7

Batara pa'la'langangku siagang Tumappatojengku, tappaka' mae ri Ia. Natulunga' siagang Napakarannui pa'maikku, mammujia' mae ri Ia siagang lagu sukkuru'.

PAMMUJI 4:3

E, ikau ngaseng taua, siapapi sallonu lampakatunai Allata'alaku? Sa'ge kerepi wattu lanutanring apa tenaya matu-matunna lanuondang apa tenaya natojeng?

PAMMUJI 62:7

Iaji bawang anjagaia' siagang ampasalamaka'; Iaji angngagangnganga', tena kulata'lengga.

PAMMUJI 84:11

Bajikangngangi sialloa ri BallatTa nasisa'bu allo ri tampa' maraenga. Kualleangangi a'jaria pajaga ri pakke'bu' lompona Balla'Na Allata'alaku naia ammantanga ri balla' tau ja'dalaka.

YESAYA 45:25

Mingka turunganna Yakub lanipasalamaki, na lamammuji ke'nanga ri Nakke, Bataraya.

YESAYA 60:19

Tena nuparallu nisingari ri allo ri wattu singaraka, siagang tena nuparallu nisingari ri bulang punna bangngi. Saba' iNakke Batara, la'jari singara' mannannungang mae ri kau, Kusingariko siagang kala'birangKu.

LUKAS 2:32

Sanrapang singara', ansingaria oloanna bansa-bansa maraenga, untu' labattu mae ri Katte; singara' angngeranga kala'birang mae ri ummatTa Israel.”

PAOLE 33:29

E, Israel, tamaka lompona upa'nu, tena bansa maraeng nipasalama' sangkamma ikau. Batara rapang sele'nu siagang pa'dannu, Naalleangangko siagang Nasareko pammetang. Labattui musunnu appala' a'mase-mase, nalanuonjo'-onjokang ke'nanga.”

PAPPICINI' 21:11

siagang suara'na kammayatompa kala'biranNa Allata'ala. Accillaki anjo kotaya sangkamma batu paramata, sangkamma batu baiduri moncongbulo sannaka ci'nonna kamma kaca.

PAPPICINI' 21:23

Tena naparallu nasiori mataallo yareka bulang anjo kotaya, lanri nisiorimi ri kala'biranNa Allata'ala, siagang Iaminjo Ana' Gimbalaka a'jari lampunna.