PAMMUJI 26:4 - KITTA' MATANGKASA'

⁴ Taeroka' a'rappungang siagang tu patipua, yareka sileporang siagang tu munapeka.

PAMMUJI 26:4 Iomraidhean Croise

AYUB 31:5

Assumpa', angkana tenale'baka' inakke a'gau' jekkong; tenale'baka tonga' annipu tau.

PAMMUJI 1:1

Mate'nei taua tenaya namminawang ri ero' tu ja'dalaka, tenaya namannuruki ri tu dorakaya na tenaya nasileo' siagang tu ampakatunayai Allata'ala,

PAMMUJI 101:4

Taeroka' a'gau' jekkong siagang taeroka' ampantamaki kalengku ri kaja'dallanga.

PAMMUJI 119:115

He tau ja'dalaka, bellako battu ri nakke! Erokka' mannuruki ri parentaNa Allata'alaku.

PAMMUJI 119:63

A'bela-bela' siagang sikontu tau mappilangngeria, sikontu tau anggaukangai parentaTa.

PANGNGEBARANG 12:11

Pamarri anjama terasaka jai kanre-kanreanna, mingka tau ampelakai wattunna untu' anggaukangi apa-apa tenaya matu-matunna, iami dongo'.

PANGNGEBARANG 13:20

Tau assileporanga siagang tau cara'deka, la'jari cara'deki; tau assileporanga siagang tau toloa, lacilakai.

PANGNGEBARANG 9:6

Bokoi kadongokanga, sollannu attallasa' mate'ne. Pinawangi oloanna tau cara'deka.”

YEREMIA 15:17

Tena kukaturu'-turukang assannang-sannang siagang sikamma tau asse'rea untu' a'bicara bonga-bonga. Lanri mannurukingku mae ri Katte, nakusa'la'mo kalengku lalang larroku kusa'ring.

1 KORINTUS 15:33

Teako eroki nitipu! Punna a'rappungangko siagang tau ja'dalaka, ma'nassa manna baji' sipa'nu mingka la'jari ja'dala' tommako.

2 KORINTUS 6:17

Lanri kammana, bokoimi anjo tau tenaya namangngasseng ri Allata'ala, siagang pakabellami kalennu battu ri ke'nanga. Tea' laloko sikarapiki siagang apa-apa ra'masaka, nampa Kutarimako mae ri KalengKu.