PAMMUJI 24:1 - KITTA' MATANGKASA'

¹ Pammujina Daud. Batara pata sikontu linoa siagang bonena, linoa siagang sikontu ammantanga ilalang.

PAMMUJI 24:1 Iomraidhean Croise

1 PATTOTTORANG 29:11

Malompo tojengKi' siagang makoasaKi'. Mala'birikKi', kabarra-barraKi', siagang ri Kattemi kalompoanga. Sikontu apa-apa niaka ri langi' siagang ri buttaya iKatte ngaseng pata, iKatte Karaeng Lompo, makoasaya mae ri sikontu-kontuna.

1 PATTOTTORANG 29:16

O Karaeng, Allata'alana ikambe, sikontu anne barang-barang tinggia anggaranna napa'rappungi ikambe anrinni untu' ambangung se're balla' untu' iKatte, sollanna akkulle ikambe ampakala'biriki arenTa matangkasaka. Mingka yangasenna anjo apa natarima tonji ikambe battu ri Katte, siagang iKatte tonji pata.

2 PATTOTTORANG 25:9

Akkuta'nammi Amazia angkana, “Mingka antekammami anjo sikontu pera' le'bakamo kupassareang mae ri ke'nanga?” Appialimi anjo na'bia angkana, “Akkullei Napoterang Batara mae ri katte la'bi jaiangngang pole naanjo.”

AYUB 34:13

Battu kemae Allata'ala Nagappa kakoasanNa? Inai ampappirannuangi linoa mae ri Ia?

AYUB 41:11

Inai akkulle ambakkai natalokoka? Tena tau ri linoa anne akkulle anggaukangi.

AYUB 41:3

Maka akkullei napala' ri kau sollanna nulappassang? Yareka sipa'bicara siagang ikau, appala' pangngamaseang?

PAMMUJI 50:10

saba' sikontu olo'-olo' niaka ri romang iNakke ngaseng pata, siagang olo'-olo' piara niaka ri assa'bu-sa'bua moncong.

PAMMUJI 50:12

Punna cipurukKa', taparalluai Kupau mae ri kau, saba' linoa siagang sikontu bonena iNakke pata.

PAMMUJI 89:11

Rahab, naga tamparang, Kilicaki siagang Kibunoi, Kibetai sikontu musunTa siagang lima magassinTa.

PAMMUJI 89:12

IKatte pata langika siagang buttaya, bate paretTa linoa siagang sikontu bonena.

PAMMUJI 98:7

Ammarrungko he tamparang siagang sikontu bonena buttaya siagang sikontu niaka ri tompo'na.

KALAPPASSANG 19:5

Kamma-kamma anne punna mannurukiko mae ri Nakke siagang majarrekko ri parjanjiangKu, laKupa'jariko umma' KalengKu. Sikontu buttaya ikau ampatangi, mingka ikau la'jariko umma' nikarimangngingKu,

KALAPPASSANG 9:29

Nakanamo Musa ri karaenga, “Tasalloai battuku assulu' ri pantaranna kotaya, lakuangkaki limangku untu' appala' doang ri Batara. Anjo gunturuka siagang anjo bosi eska lammari siagang la'jari sannangi, sollanna kiasseng karaeng, angkanaya anne buttaya Batara pata.

DANIEL 4:25

Lanibongkai karaengku battu ri pa'rappunganna rupataua nampa attallasa' ri alla'na olo'-olo' niaka ri paranga. Lalang tuju taung langnganreki' ruku' kamma sapi karaeng, siagang attinroki' ri parang tassungkea, sa'genta lanibasai ri allung. Le'baki anjo lakianimi karaeng, angkanaya Allata'ala Kaminang Tinggia makoasa mae ri kakaraenganna rupataua, siagang anjo kakaraenganga Napassareangi mae ri nai-nai Napilea.

MIKHA 4:13

Nakana Batara, “He pandudu'na Yerusalem, a'lampamako mange angngonjo'-onjokangi musunnu! LaKupakagassingko rapang sapi attanru' bassia siagang akkanuku tambagaya. Lanuancuruki jaia bansa, siagang kakalumanynyangngang wassele' narampasaka ke'nanga lanupassareangi mae ri Nakke, Batarana sikontu linoa.”

NAHUM 1:5

Annekkereki sikamma buluka ri dallekanNa; na bontoa assolong kabusu'mi Napakamma. Punna ammumba Batara, amme'bereki buttaya, linoa siagang sikontu pandudu'na annekkereki.

1 KORINTUS 10:26

Nasaba' nia' tattulisi' lalang ri Kittaka angkanaya, “Anne linoa siagang sikontu bonena, Batara ngaseng pata.”

PAOLE 10:14

Karaeng Allata'alanu ampatangi langi' kaminang tinggia; kammayatompa buttaya siagang sikontu apa-apa niaka ri tompo'na Ia ngaseng pata.