PAMMUJI 23:3 - KITTA' MATANGKASA'

³ Nasarea' kagassingang beru, kuNarenreng mange ri oloang annabaya, situru' siagang janjinNa.

PAMMUJI 23:3 Iomraidhean Croise

AYUB 33:30

sollanna akkulle Napasalama' rupataua siagang Nasare mate'ne lalang tallasa'na.

PAMMUJI 106:8

Mingka Batara Napasalamaki ke'nanga lanri kalenna tonji, sollanna a'jari a'nyata kaporeanNa.

PAMMUJI 109:21

Mingka Kitulunga' situru' janjinTa, o Karaeng Allata'alaku, pasalamaka' lanri kabajikanTa siagang pangngamaseanTa.

PAMMUJI 119:176

Sala oloanga' sanrapang gimbala' tappelaka, jari battu maKi', na Kiboya anne atanTa, saba' tena kubalang parekangi sikamma parentaTa.

PAMMUJI 19:7

Najappai langika battu ri cappa' se'rea mange ri cappa' maraenga; tena tanitaba ri bambanna.

PAMMUJI 31:3

pilangngeri laloa' siagang Kilappassanga' linta'. A'jariKi' sanrapang moncong batu mae ri nakke a'jari tampa' pa'la'langangku, sanrapang tampa' attahang makassaka, anjoremma' lasalama'.

PAMMUJI 31:4

Iye', iKattemi sanrapang moncong batu siagang tampa' attahang makassaka untu' kalengku! Kirurunganga' situru' janjinTa.

PAMMUJI 34:3

Erokka' a'lompo-lompo pa'mai' lanri gau'Na Batara; poro Nalangngereki tu nijallakkanga na'jari rannu.

PAMMUJI 5:8

Mingka lanri lompona pangngamaseanTa, kukkulle antama ri Balla' SambayanTa. Kusu'ju mange ri Balla' Sambayang matangkasatTa, nakusombaKi' ri pa'mai' mailalang.

PAMMUJI 51:10

Boli'mi kamma kulangngere' kabara' nikarannuanga, sollanna a'jari rannu poleang anne atingku le'baka Kiancuru'.

PAMMUJI 51:12

Pa'jarianga' ati maci'nong untu' inakke, o, Allata'ala, Kiberui atingku siagang sumanga' sa'bara'.

PAMMUJI 79:9

Kitulung laloi ikambe o, Allata'ala, Tumappasalama'na ikambe, Kipammopporangi dosa-dosana ikambe siagang Kilappassangi ikambe untu' kalompoang kalenTa.

PAMMUJI 85:13

Napassareangi Batara bajika, nalangngerang wassele' buttata.

PANGNGEBARANG 4:11

Le'ba'mi kupangngajarrang kacara'dekanga mae ri kau siagang kupicinikiangko antekamma batena nikanaya tallasa' annabaya.

PANGNGEBARANG 8:20

Amminawanga' ri oloang kaadelanga, a'dakka' ri agang kalambusanga.

YESAYA 42:16

BansaKu butaya laKurenrengi angngolo rioloang tenaya naassengi ke'nanga; laKurenrengi ke'nanga ri agang tenaya naassengi ke'nanga. Sassanga Kupa'jari singaraki mae ri ke'nanga, na oloang a'buttu-buttua Kulappari. Iaminjo laKugaukang mae ri ke'nanga, siagang attantumi laKugaukanna.

YEREMIA 31:25

Ia mangnganga laKupakabajiki pakkasia'na, siagang ia posoa lanri cipuru' laKupakabassoroki.

YEREMIA 31:8

Battu wara' Kuerang ke'nanga ammotere'; Kupasse'rei ke'nanga battu ri cappa'-cappa'na buttaya. Tau butaya siagang tau pesoka lamminawangi ri ke'nanga, kammayatompa baine beru ammanaka siagang tianang salloamo. Labattu ngasengi ke'nanga ammotere' jai sipa'gangngang mae anrinni ri pa'rasanganga.

YEHEZKIEL 20:14

Mingka tena naKugaukangi anjo lanri areng bajikKu, sollanna tena nihinai arengKu ri bansa-bansa ancinikiA' angngerangi bansa Israel assulu' battu ri Mesir.

EFESUS 1:6

Nipujimi Allata'ala lanri la'biri'na kabajikang pa'mai'Na, le'baka allumpa Napa'nyata mae ri katte ri tete Ana'Na Nakarimangngia.

PAPPICINI' 3:19

Sikamma tau Kukamaseanga Kupakaingaki siagang Kuba'balaki. Lanri kammana, paralluko allompoi ngasengi sumanga'nu, siagang toba' battu ri dosa-dosanu ngaseng.