PAMMUJI 20:2 - KITTA' MATANGKASA'

² Poro Napialiko Batara ri wattu kasukkarrang, poro nala'langngiko koasaNa Allata'alana Yakub!

PAMMUJI 20:2 Iomraidhean Croise

2 SAMUEL 5:7

Nakanamo Daud mae ri ana' buana, “Niakka anrinni tau angkabirisi tu Yebus sangkamma bateku angkabirisi ke'nanga? Maka birisi' tojengi sa'genna cinna dudu ambunoi ke'nanga? Punna kamma, antama' mako battu ri passolongang je'neka nampa bunduki anjo tu butaya siagang tu tempanga kukabirisia.” (Iaminjo saba'na nanakana taua, “Tu butaya siagang tu tempanga takkulleai antama' ri Balla'Na Batara.”) Akkullemi naalle Daud anjo pattahanganna Sion siagang naempoi. Naaremmi “Kota Daud”. Nabangummi anjo kotaya ri tammulilina anjo pattahangnganga, appakkaramula battu ri rayanganna bonto nipakatinggia siagang butta.

2 SAMUEL 6:17

Anjo Patti Parjanjianga nipadongkoki lalang ri kema le'baka natannang Daud untu' anjo Pattia. Nampa assare Daud koro'bang nitunu siagang koro'bang passiamakkang mae ri Batara.

1 KARAENG-KARAENG 6:16

Ilalang ri anjo ballaka, nipareki kamara' bageang ri bokona iamintu nisarei rinring passimbang battu ri kayu camara, appakkaramula battu ri dapara'na sa'genna ri palaponna. Anjo kamaraka niarengi Kamara' Kaminang Matangkasa'; la'buna salapang metere'.

PAMMUJI 3:4

Mingka iKatte, o Batara, a'jari pa'la'langangku. Kisarea' pammetang, naKipakalompo pa'maikku.

PAMMUJI 54:3

O, Allata'ala, pasalamaka' lanri koasaTa, sarea' kaadelang lanri kagassinganTa.

PAMMUJI 73:17

Kale'bakkanna antama' ri Balla'Na Batara mae ri Allata'ala, nakupahammo antekamma kale'bakkanna sallang tau ja'dalaka.

PANGNGEBARANG 18:10

Anjo Batara sanrapangi menara kassaka; Iami namangei tau lambusuka nanggappa tampa' amang.

YESAYA 12:6

Akkio' rannuko he pandudu'na Sion, akkelongko siagang rannu. Allata'ala matangkasa'na Israel, sanna' la'biri'na, ammantangi ri tangnga-tangnganu ngaseng.”

YESAYA 14:32

Apa lanipappialiang mae ri sikamma tunisuroa battu ri bansa Filistin? Lanikana ri ke'nanga angkana le'ba'mi Nabangung Batara kota Sion, siagang umma'Na sessaya lanijagai anjoreng.