PAMMUJI 2:9 - KITTA' MATANGKASA'

⁹ Lanutepoki ke'nanga siagang takkang bassi na nupokara' sanrapang uring butta.’ ”

PAMMUJI 2:9 Iomraidhean Croise

PAMMUJI 89:23

Talanibetayai ri musu, siagang talanijallakkangai ri tu ja'dala'.

YESAYA 30:14

Laancurukko rapang uring butta tappokaraka na tassiara', sa'genna anjo reppe'na takkulleami nipake angngalle bara pepe' battu ri pappalluanga yareka untu' anynye'ro' je'ne' battu lalang ri ba' je'neka.”

YESAYA 60:12

Bansaya siagang kakaraengang tenaya natundu' ri kau, laancuruki siagang lalanynyaki.

YEREMIA 13:14

Nampa laKupasiruppa ke'nanga massing para ia. Tau toa siagang tau rungka laKupakamma ngaseng nampa tena nalanipammopporang. LaKupanraki ke'nanga, tena Kupassayangi yareka tena naKukamaseangi. INakke, Batara, anne akkana.”

YEREMIA 19:11

Musti kupauangi ke'nanga angkanaya akkana kammai anne Batara Kaminang Koasaya, “Anne bansaya siagang kotaya laKuancuruki sa'genna a'jari rapang bongki anjo reppeka tenayamo nakkulle nipakabaji' ammotere'. Lanitarawangi maya'-maya'na ke'nanga ri taua ri Tofet, lanri tenamo tampa' pa'jerakkang maraeng.

DANIEL 2:44

Ri wattu ammarentana anjo sikamma karaenga, Allata'ala ri suruga lappaentengi se're kakaraengang lattahanga satunggu-tungguna siagang tenaya nakkulle lanibeta ri manna bansa battu kemae. Anjo kakaraenganga lanaancuru' tabasikali anjo sikamma kakaraengang maraenga.

DANIEL 2:45

Sai kiciniki karaeng, angkanaya tena sikali tau amberoi, nania' se're batu ta'lappasa' battu ri ta'binga nampa natuju siagang naancuru' anjo patung nipareka battu ri bassi, tambaga, butta pi', pera' siagang bulaeng? Allata'ala malompoa ampa'nyatai mae ri karaengku apa lakajarianga sallang. Anjo so'naya akkullei nipatappa' siagang anne napakasingaraka atanta sanna' sikali kamma tojenna.”

MIKHA 5:8

Israel lanabetai musu-musunna kammayatompa naancuru' kabusuki ke'nanga.

MATIUS 21:44

Tau tu'guruka naung ri batua laancuruki; na tau nitujua ri batua lanijalla'-jallakkangi sa'genna a'jari limbu'bu'.]”

PAPPICINI' 12:5

Allassukammi anjo bainea sitau ana' bura'ne lamparentayai sikontu bansaya siagang takkang bassi. Mingka nialle passami anjo anaka battu ri anjo bainea, nampa nierang mae ri Allata'ala siagang ri dallekang empoang kala'biranNa.

PAPPICINI' 19:15

Battu ri bawaNa nia' assulu' pa'dang tarang; siagang iaminjo pa'danga laNapake ambetai bansa-bansaya, nampa laNaparenta ke'nanga siagang takkang bassi. LaNapaccoki anggoroka lalang ri pammaccokang anggoro' kalarroanNa Allata'ala Kaminang Koasaya.