PAMMUJI 19:4 - KITTA' MATANGKASA'

⁴ Tena a'bicara yareka akkana-kana, tena sa'ra kalangngerang.

PAMMUJI 19:4 Iomraidhean Croise

PAMMUJI 104:2

akkalimbukKi' cahaya. IKatte ampaka'rangi langika sanrapang kema,

PAMMUJI 98:3

Nau'rangi pangngamaseanNa siagang pa'mai' tamamminraNa mae ri Israel umma'Na. Sikontu bansaya ri lino nacini'mi pammetanNa Allata'alata.

YESAYA 49:6

Nakana Batara ri nakke, “He atangKu, attayangi tugasa' lompoanganga ri kau; tena nanupoterang bawang sesa turunganna Yakub siagang nupoterang kalompoanna suku-suku Israel, mingka Kupa'jari tongko singara' mae ri bansa-bansaya, sollanna nipasalama' sikontu bonena linoa.”

MALEAKHI 4:2

Mingka ikau tau mannurukia ri Nakke, lammumbai koasangKu mappasalamaka rapang mataallo, nasioro'na angngerangi pappakamolle ri garring. Lata'lappasakko siagang larannuko rapang ana' sapi beru assuluka battu ri barana.

ROMA 10:18

Mingka erokka' akkuta'nang: Maka tena memang tompa nalangngereki ke'nanga anjo birittaya? Mattantu le'ba'mi! Nasaba' nia' tattulisi' lalang ri Kittaka angkanaya, “Alla'bammi sa'ranna ke'nanga ri sikontu linoa, anrapi'mi kana-kananna ke'nanga mange ri cappa'na linoa!”