PAMMUJI 16:4 - KITTA' MATANGKASA'

⁴ Boli'mi kamma tu anynyombaya ri rewata-rewata pila' katambang si'nana. Taeroka' assare koro'bang mae ri rewata-rewataya, ba'lalo taeroka' ampaui arenna ke'nanga.

PAMMUJI 16:4 Iomraidhean Croise

PA'JARIANG 35:14

Ambangummi se're batu pangngu'rangi Yakub ri anjo tampa'Na Allata'ala a'bicara mae ri Yakub. Nampa napassareang anjo batua mae ri Allata'ala siagang natirikimi anggoro' na minynya' zaitun mabau' irateanna.

PAMMUJI 32:10

Tu dorakaya nitujui ri jai sessa; mingka tu manrannuanga ri Batara tuli nila'langi lalang pangngamaseanNa.

PAMMUJI 97:7

Sikontu tau anynyombaya ri barhala lanipakasiriki, ampattampoangai barang-barang tenaya matu-matunna; sikontu rewataya lasu'juki ri dallekanNa Batara.

KALAPPASSANG 23:13

Parhatikangi sikontu apa le'baka Kupau mae ri kau. Teako appakalompoi rewata-rewata maraeng, ba'lalo manna nutappua arenna tena todong nakkulle.”

YESAYA 57:6

Jari siratangko appasse're batu-batu laccu' battu anjoreng. Iaminjo bageannu! Ia tomminjo batu-batua nutiriki anggoro'nu nusare gandung. Nukapangi angkana sannangA' anciniki yangasenna anjo kammaya?

YESAYA 65:11

Mingka tena nakamma anjo sarenna tau ambokoiA', tenaya najampangi Sion, bulu' matangkasakKu, assarea passare mae ri Gad siagang Meni, iamintu rewata-rewata kaupakkanga siagang sarea.

YESAYA 66:3

Mingka anjo bansaya tuli ero' kalenna nagaukang; nangai appakaringi'-ringika batena ke'nanga anggaukangi ibadana. Tena sisalana mae ri ke'nanga nikanaya: ammunoa sapi laki siagang ammunoa rupatau, ammolonga ana' gimbala' siagang ampolongai kallonna kongkonga; assarea gandung siagang akkoro'bangkang cera' bawi, attunua kamanynyang siagang anynyombaya patung.

YEREMIA 7:18

Ana'-anaka appasse'rei kayu tunuang, tubura'-bura'nea apparinra pepe', siagang tubai'-bainea alleo' labu' untu' appare' kanrejawa lanapassareanga ke'nanga mae ri rewata baine, ia naarenga ke'nanga Ratu Suruga. Siagang untu' ampakapa'risiki atingKu assare tongi ke'nanga anggoro' mae ri rewata-rewata maraenga.

KAIMANGNGANG 23:13

Untu' koro'bang kanre-kanreang assareko labu' rua kilo ia nipasileoka siagang minynya' zaitun. Rasanna anjo koro'banga lanapakasannangi nyawaNa Batara. Pasiagang tongi silitere' je'ne' anggoro' anjo passarenu.

YUNUS 2:8

Tau anynyombaya ri barhala tenaya bua'-bua'na nabokoiKi' siagang tamajarrekami pa'mai'na.

YOSUA 23:7

Lanri kammana anjo tenamo nulasileo' siagang bansa-bansa niaka ija ammantang ri alla'nu. Tena nalanutappu arenna rewata-rewatana ke'nanga yareka assumpa lalang arenna anjo arenga. Kammayatompa tena todong nalanugaukang ibadaya yareka anynyomba mae ri anjo rewata-rewataya.