PAMMUJI 16:1 - KITTA' MATANGKASA'

¹ Pammujina Daud. Jagaia', o, Allata'ala, saba' iKattemi kupa'la'langi.

PAMMUJI 16:1 Iomraidhean Croise

PAMMUJI 116:6

Naparakai Batara sikamma tau biasaya; wattunna tena pakkulleku Ia ampasalamaka'.

PAMMUJI 125:1

Kelong siara. Tau tappaka mae ri Batara, sanrapangi Bulu' Sion majarre' tama'lenggaya, attahang satunggu-tungguna.

PAMMUJI 146:5

Mate'nei tau manrannuanga ri Karaeng Allata'alana, ampatangai Allata'alana Yakub a'jari pannulunna.

PAMMUJI 17:5

Tuli kuturuki pappijo'jotTa lalang tallasakku tena kule'ba' ammengka sala ri anjo oloanga.

PAMMUJI 17:8

Kiparakaia' sanrapang lisere' matanTa, kicokkoa' lalang ri la'lanna ka'nyitTa

PAMMUJI 22:8

Yangaseng accinika ri nakke, nacau-caua', nabibeia' munceng na napammenggong ulunna.

PAMMUJI 25:20

Jagaia' siagang Kipasalamaka', sollanna tena kunggappa siri' saba' ma'la'langa' mae ri Katte.

PAMMUJI 31:23

Lalang ri kalinguangku kukapangi angkana Napela'ma' Batara battu ri dallekang mala'biri'Na. Mingka Nalangngere'mi pappalakku wattungku akkio' mae ri Ia.

PAMMUJI 37:28

Saba' Nangai Batara panggaukang bajika siagang adeleka, tena Nabalang parekangi ta'ronang tau majarreka ri Ia. Najagai ke'nanga satunggu-tungguna, mingka natumpasaki turunganna tu ja'dalaka.

PAMMUJI 56:1

Untu' pamimping pakelong. Situru' lagu: Bodobangkeng pepea, battu ri daera bella. Pammujina Daud ri wattunna nijakkala' ri tu Filistin ri daera Gat.

PAMMUJI 60:1

Untu' pamimping pakelong. Situru' lagu: Bunga bakung kasa'biang. Kelong pangngajara' battu ri Daud,

PAMMUJI 7:1

Piraunna Daud, nakelongang ri Batara lanri Kus, tu Benyamin.

PAMMUJI 7:2

O, Batara Allata'alaku, iKatte kupa'la'langi; Kipasalamaka' siagang Kilappassanga' battu ri sikontu tau angngondanga'.

PAMMUJI 84:12

Saba' Karaeng Allata'ala pa'la'langanta siagang Karaeng Malompo, assidakkiaki' pangngamaseang siagang kalompoang. Tale'bakai Natolla' apa bajika mae ri tau tenaya callanna ri tallasa'na.

PAMMUJI 9:10

Batara pa'la'langanna tu nijallakkanga, tampa' pa'la'langanna ri wattu kasusaanga.

PAMMUJI 97:10

He, ikau ngaseng mangngaia ri Batara, kabirisi laloi kaja'dallanga! Saba' Najagai Batara tallasa'na umma'Na, Napakabebasaki ke'nanga battu ri koasana tu dorakaya.

PANGNGEBARANG 2:8

Najagai Batara tau adeleka ri panggaukanna, siagang Nala'langi ke'nanga mangngaia ri Ia.

2 KORINTUS 1:9

sanrapang mamaki' tau le'bakamo nitappuki lanihukkung mate. Mingka nania' anjo kajariang kammaya lanri nikellaina ikambe tanjeng mae ri Allata'ala, akkullea ampattallasaki tau matea; jari tena nakitanjeng mae ri batangkalenta.

2 TIMOTIUS 1:12

Lanri kammanami anjo nakukasia'mo anne kasessang kammaya jaina; mingka tuli jarreki tappakku, nasaba' bajiki kuassenna angkana inai kupatappa'. Tappa' sikalia' angkanaya akkullei Nakatutui anjo apa le'baka Napappirannuang mae ri nakke sa'genna narapi' Allo Kiamaka.