PAMMUJI 146:4 - KITTA' MATANGKASA'

⁴ Punna mate ke'nanga, ammotereki ke'nanga mae ri buttaya; anjo memang alloa nalanynya' ngasemmo rancanana ke'nanga.

PAMMUJI 146:4 Iomraidhean Croise

PA'JARIANG 2:7

Nampa angngalle Karaeng Allata'ala sike'de' butta, naNapare' a'jari se're tau, nampa natui' so'bolo' ka'murunna siagang nappasa' assarea katallassang; nattallasa'mo anjo taua.

PA'JARIANG 3:19

Laballasakko anjama siagang lammattiki songo'nu nanampa nia' wassele'na anne buttaya, sa'gennu ammotere' poleang a'jari butta, nasaba' battu ri buttayako nipare'. Battu ri buttayako nipare', na nulammotere' a'jari butta.”

PA'JARIANG 6:17

LaKupabattui a'ba lompoa untu' angngancuruki sikamma apa attallasaka ri lino. Lamate ngasengi sikontu apa niaka ri lino,

AYUB 14:10

Mingka punna mate rupataua, la'busu'mi riwaya'na; nabokoimi linoa, nampa kemae lampana?

AYUB 14:21

Ana'-ana'na a'jari tau la'biri', mingka tanaassengai. Na punna a'jari hina ke'nanga, tena tau ampauangi.

AYUB 17:1

A'reppese'mi a'jalakku, birimmi tappu' napasakku; jerakku mami ammantang.

AYUB 17:11

Allalomi allo-allo tallasakku, salasami sikontu rancanaku; tappela' tommi sikontu naminasaya atingku.

AYUB 27:3

assumpa' kukana: Lalang Nasareku ija nappasa' Allata'ala, lalang nia'na ija nyawa lalang ri kalengku,

PAMMUJI 104:29

Punna a'gilingKi', mallaki ke'nanga; punna Kialle nappasa'na ke'nanga, possoki, nampa ammotere' a'jari limbu'bu' butta sangkamma riolo.

PAMMUJI 33:10

Napassalasai Batara rancanana bansa-bansaya, Napattaenai apa nakaerokia ke'nanga.

PAMMUJI 90:3

Kisuroi rupataua ammotere' mange ri assala'na, a'jari limbu'bu' butta sangkamma riolo.

KATO'BA 12:7

Tubuta lammotereki, a'jari limbu'bu ri buttaya Nappasa' tallasatta lammotereki mae ri Allata'ala. Ia assareki' a'jari passare kalammoranNa.

KATO'BA 9:6

Pakkasia' mangngai, birisi', siagang napasuna, yangasenna lasikamateang ngasengi siagang ia. Tenamo nantama' ri sikamma apa kajarianga ri lino.

YESAYA 2:22

Jari, teako manrannuangngi mae ri rupatau lamatea, nasaba' anjo ke'nanga tena anggaranna.

PIRAUNG 4:20

Najakkalaki ke'nanga karaeng Napilea Batara, tau napattoanga ikambe untu' lassare katallassang, siagang akkullea anjagaiki' battu ri musua.

DANIEL 5:23

Kipakatinggi kalenta mae ri Batara niaka ri suruga siagang baraniki' ansuro erangi antama' mangko'-mangko' le'baka nirampasa' battu ri Balla'Na Batara. Nampa ikatte siagang sikamma tumalompota, sikamma bainenta siagang baine piarata angnginungi battu ri anjo mangko'-mangkoka. Ammuji-mujiki' mae ri rewata-rewata nipareka battu ri bulaeng, pera', tambaga, bassi, kayu siagang batu, iamintu rewata-rewata tenaya nakkulle accini' yareka allangngere' yareka ammahang apa-apa. Tena kipakalompoi Allata'ala ampattantuai tallasatta siagang mateta siagang ampattantuai oloang katallassanta.

1 KORINTUS 2:6

Mingka manna nakamma, kupake tonji pangngassenganga ampabattui anjo birittaya mae ri tau rapang ti'nokamo katallassang rohanina. Mingka anjo pangngassenganga teai pangngassengang battu ri lino, yareka pangngassengang battu ri sikamma tau anna'galaka koasa ri anne jammanga, ia lalanynyaka sallang kakoasanna.