PAMMUJI 141:3 - KITTA' MATANGKASA'

³ O, Batara, Kijagai bawaku siagang Kijannangngi muncengku.

PAMMUJI 141:3 Iomraidhean Croise

PAMMUJI 34:13

Erokko la'bu umuru'nu siagang angkasiaki bajika?

PAMMUJI 39:1

Untu' pamimping pakelong. Pammujina Daud. Untu' Yedutun.

PAMMUJI 39:2

Nakana nawa-nawangku, “Eroki kujagai kalengku sollanna tena kudoraka lanri lilaku. Taeroka' a'bicara lalang a'reppese'na ija tau ja'dalaka.”

PAMMUJI 71:8

Tuli mammujia' mae ri Katte, sila'busu' alloi kukabarrang kalompoanTa.

MIKHA 7:5

Teako tappakki mae ri singngampi'nu, teako tanjengi mae ri agannu. Tutuko lalang ri kana-kanannu manna pole nabainennuja allangngereki.

YAKOBUS 1:26

Punna nia' tau nakana kalenna tutu ri agamaya, mingka tena nakatutui lilana, anjo taua naballe-balleimi kalenna; tenamo matu-matunna sambayanna.

YAKOBUS 3:2

Ikatte a'mole-mole ngasengki' appare' kasalang. Mingka inai-nai tena le'baka appare' kasalang lalang ri bicaranna, iami tau sukku', akkullea angkoasai sikontu batangkalenna.