PAMMUJI 14:3 - KITTA' MATANGKASA'

³ Mingka sikontu taua sala gau' ngasemmi siagang panra'mi, manna sitau tania' a'gau' baji'.

PAMMUJI 14:3 Iomraidhean Croise

PA'JARIANG 6:12

Nacinikimi Allata'ala anjo linoa, na sangnging kaja'dallang mami Nacini', lanri sikamma rupataua ja'dala' ngasemmi lalang tallasa'na.

AYUB 14:4

Maka akkullei tau dorakaya appa'nia' apa sukku' baji'na?

AYUB 15:16

Sarroangampa rupatau panraka siagang ra'masaka, angnginunga kaja'dallang sanrapang angnginung je'ne'.

PAMMUJI 119:176

Sala oloanga' sanrapang gimbala' tappelaka, jari battu maKi', na Kiboya anne atanTa, saba' tena kubalang parekangi sikamma parentaTa.

PAMMUJI 14:1

Untu' pamimpin pakelong. Pammujina Daud. Tu toloa nakana ri pa'mai'na, “Tena Allata'ala.” Panggaukanna ke'nanga ja'dalaki siagang rantasaki tena nia' a'gau' baji'.

PAMMUJI 143:2

Inakke anne atanTa, teaKi' adelia', saba' taniakka tau tania' salana ri dallekanTa.

PAMMUJI 38:5

Tallanga' lalang ri a'ba kasalangku, teai sipato' battala'na eranganna dosaku.

PAMMUJI 58:3

Tena, ikau apa ja'dala' nurancana ngaseng, siagang katerassang nugaukang ri anne pa'rasanganga.

KALAPPASSANG 12:30

Anjo bangngia ambangung ngasemmi tu Mesir siagang karaenga kammayatompa sikamma pagawea. Nia'mo kalangngerang sa'ra karru' lompo ri sikontu pa'rasangang Mesir. Tena manna se're balla' tu Mesir takamateang ana' bura'ne bungasa'na.

KALAPPASSANG 8:31

na niturukimo ri Batara anjo pappala' doanna Musa. Anri'ba' ngasemmi anjo katingaloa na nabokoi karaenga, sikamma pagawea siagang ra'yaka. Tena manna sikayu ammantang.

KATO'BA 7:20

Tena tau sukku' baji'na ri linoa anne; tena tuli a'gau' baji' siagang tale'baka doraka.

KATO'BA 7:29

Poro iaji anne bawang kugappa: Napa'jari tubiasaki' Allata'ala siagang tena sukkara'na. Mingka kalenta tonji ampa'jari sukkaraki kalenta.

YESAYA 53:6

Ikatte sala oloang ngaseng maki' rapang gimbala' massing naboya kalennai oloanna. Iami Napitujui Batara sikontu kaja'dallanta ngaseng.

YESAYA 64:6

Ikambe tau rantasa' ngasengi, ba'lalo manna gau' baji'na ikambe rantasa' ngasengi na ra'masa'. Lanynyaki ikambe lanri kaja'dallanna ikambe rapang leko' kayu kalumeng niri'bakang ri anging.

YEREMIA 2:13

Ruang rupa dosa nagaukang ummakKu: nabokoiA' assarea je'ne' pannallassi ri rupataua; napapparekangi kalenna ke'nanga kalo'bang assabang tenaya nakkulle annahang je'ne' tingkasa'na.”

YEHEZKIEL 36:25

Le'baki anjo Kupiracciki mako je'ne' ci'nong, sollannu a'jari tangkasa' battu ri sikontu barhalanu siagang battu ri sikontu anra'massiako.

ROMA 3:23

sikontu rupataua doraka ngasemmi siagang bellami battu ri Allata'ala, akkullea ampasalamaki ke'nanga.

1 KORINTUS 6:5

Punna kamma, teai sipato' appakasiri'-siri'na! Tantu nia'ja tu cara'de' ri tangnga-tangnganu ampakabajiki punna nia' para tu Karisteng assisala pahang!

2 KORINTUS 7:1

Sikamma sari'battangku kukarimangngia! Sikontu anjo janjia untu' ikatte ngaseng. Lanri kammana, parallui nitangkasi kalenta battu ri sikamma apa-apa akkullea anra'massi tubuta siagang nyawata. Paralluki' malla' mae ri Allata'ala. Sollanta akkulle attallasa' baji' siagang matangkasa' untu' Allata'ala.

EFESUS 2:3

Riolo sangkamma ngaseng tongki' anjo ke'nanga; amminawang turukki' mae ri sipa'-sipa' rupatauta, siagang iaji nigaukang apa akkullea ampakasannangi tubuta siagang pikkirang ja'dalatta. Anjo wattua nataba tongki' pangngalarroiNa Allata'ala, sangkamma tau maraenga.

PAOLE 1:35

‘Tena manna sitau battu ri anne tau ja'dala' kammaya lakkulle antama' ri pa'rasangang coppong Kupa'janjianga mae ri boe-boenu.