PAMMUJI 127:3 - KITTA' MATANGKASA'

³ Ana'-anaka passareNa Allata'ala, sikontutojenna, anjo ke'nanga passare.

PAMMUJI 127:3 Iomraidhean Croise

PA'JARIANG 1:28

Nampa Nabarakkaki ke'nanga angkana, “Ammana'-mana' mako siagang accucu-cucu mako nu'jari jai, sollanna napammantangngi sossorannu sikontu buttaya siagang nanakoasai. Kusareko tugasa' untu' amparakai sikamma juku'-jukuka, jangang-janganga, siagang sikontu olo'-olo' maraenganga ia liaraka.

PA'JARIANG 33:5

Ri wattunna nacini' Esau sikamma anjo bainea siagang ana'-ana'na, akkuta'nammi angkana, “Inai anjo ke'nanga niaka nuagang?” Appialimi Yakub angkana, “Anakku ngaseng ke'nanga. Nasarema' ana' Allata'ala.”

PA'JARIANG 4:1

Nampa assikatinroammo Adam siagang bainenna iamintu Hawa, sa'genna tianammo anjo bainenna. Ammana'mi sitau ana' bura'ne, nanakana, “Lanri pannulunNa Batara nakuanggappamo sitau ana' bura'ne.” Naaremmi anjo anaka Kain.

PA'JARIANG 48:4

Nakana ri nakke, ‘LaKusareko jai cucu, sollanna a'jari jai bansa turungannu; laKupassareangi anne pa'rasanganga mae ri turungannu, a'jari napatang sa'genna satunggu-tungguna.’ ”

2 SAMUEL 3:5

Yitram. Amma'na iamintu Egla. Anne annanga ana' bura'ne anjorengi ri Hebron nilassukang.

1 PATTOTTORANG 28:5

Nasarea' jai ana', na battu ri sikontua anakku Napilemi Salomo untu' ammarenta ri Israel, kakaraenganNa Batara.

1 PATTOTTORANG 8:40

Ana'-ana'na Ulam yangasenna a'jari tantara-tantara barani siagang cara'deka ammake sanjata pana. Cucunna bura'nea nia' 150 tau jaina. Yangaseng ke'nanga anggota suku Benyamin.

AYUB 1:2

Nia' ana'na tuju bura'ne siagang tallu baine.

YESAYA 13:18

Pana siagang anrong pana napake ke'nanga anbunoi sikamma tau rungkaya. Tena nasayangi ke'nanga ana' loloa siagang tena nakamaseangi ana'-anaka.

YESAYA 8:18

Annemi inakke siagang ana'-ana' Napassareanga Batara mae ri nakke. Batara Kaminang Makoasaya ammarenta ri Bulu' Sion, ansuroi ikambe battu a'jari pammatei mae ri umma' Israel.

PAOLE 28:11

Lanisareko ana' majai. La'jari jai olo'-olo' piaranu siagang lalla'bi-la'bi wassele' kattoannu ri pa'rasangang Napa'janjianga Batara mae ri boe-boenu untu' Napassareang mae ri kau.

PAOLE 28:4

Nibarakkakiko, sa'genna jai ana'nu, jai wassele' kattoannu, siagang a'jari jai sapinu kammayatompa gimbala'nu.

HAKING-HAKING 12:9

Anjo Ebzan nia' tallumpulo ana' bura'nena siagang tallumpulo ana' bainena. Anjo ana'-ana' bainena napa'buntingi siagang tau battua ri suku-suku maraenga. Kammayatompa angngallei tallumpulo tulolo battua ri suku-suku maraeng untu' napasialle siagang ana'-ana' bura'nena. Tuju taungi sallona Ebzan ampimpingi umma' Israel.

1 SAMUEL 1:27

Iaminne ana' kupalaka battu ri Batara. Nasareamma' Batara pappalakku,