PAMMUJI 12:3 - KITTA' MATANGKASA'

³ Para siballe-ballei ngasemmi ke'nanga, massing sitipumi siagang kana-kana te'ne.

PAMMUJI 12:3 Iomraidhean Croise

AYUB 32:22

Manna appalecea, tena todong nakuassengi, na ebara' angkana kuassengi kugaukang anjo kammaya, laNahukkung silalonna' Allata'ala.”

PAMMUJI 116:11

Lalang kalinguangku nakukana, “Tena manna sitau akkulle nipatappa'.”

PAMMUJI 140:12

Boli'mi kamma nituju ri bala lompo tau anggaukangai katerassanga, teaKi' lappassangi ammantang ri lino tau nangaia appitina.

PAMMUJI 17:10

tangngassengai mangngamaseang ke'nanga siagang a'bicara tampoi ke'nanga.

PAMMUJI 55:22

Kana-kananna baji' sikali manynyonyo', mingka atinna lalang sangnging kabirisang. Bicaranna lamma sikali, mingka anno'doki sanrapang pa'dang taranga.

KALAPPASSANG 15:9

Nakana musua, ‘Lakuondangi ke'nanga nampa kujakkala', kubi'buki pa'dangku, nampa kutumpasa' ke'nanga. Nampa kurampasa' sikamma barang-baranna ke'nanga, kubage-bage siagang kukasia' baji'na sa'genna sukku' kusa'ring.’

PANGNGEBARANG 18:21

Makoasai lilaya untu' ampasalamaki yareka ampanraki tallasaka; musti natanggongi taua kale'bakkanna apa napaua.

PANGNGEBARANG 26:24

Tau mangngabirissia te'nei kana-kananna mingka atinna rassi balle-balle.

YESAYA 10:10

Kubetai sikamma kakaraengang anynyombaya ri barhala-barhala lompoangnganga koasana naia niaka ri Yerusalem siagang Samaria.

YESAYA 59:4

Appamajuko parkara natena passabakkanna, siagang tena naadele' batenu angngadeli. A'balle-balleko siagang apa tenaya matu-matunna nupattoang; apparekko rancana untu' ancilakai parannu tau siagang nugaukangi kaja'dallanga.

YEREMIA 12:6

Nibaliang mako ba'lalo ri bija pammanakannu tonji; amminawangi ke'nanga ambakkaiko. Teako tappakki mae ri ke'nanga, manna pole nate'ne bicaranna ke'nanga.”

YEREMIA 9:8

Sanna' bahayana kana-kananna ke'nanga, akkullei ammuno rapang pana niaka racunna. Poro balle-balle bawang pau-pauna ke'nanga. Te'nei angngalle pa'mai' kana-kananna ke'nanga, mingka sikontutojenna attannanji sikko' ke'nanga.

YEHEZKIEL 28:2

“He tau, pabattui mae ri karaeng Tirus apa Kupaua, iNakke, Batara Kaminang Tinggia, mae ri ia, angkana, ‘Tampoko ampaui kalennu angkana rewatako ammarentaya ri tangnga-tangngana tamparanga. Akkulleko nukana kalennu rewata, mingka u'rangi, angkanaya ikau poro tau biasajako bawang.

YEHEZKIEL 28:9

Jari, punna narapi'mo anjo wattua, maka akkulle ijako angkana angkanaya ikau Allata'alako? Ri dallekanna ngaseng sikamma tau ambunoako a'nassami angkanaya ikau tau biasa jako.

YEHEZKIEL 29:3

Nasuroa' Batara Kaminang Tinggia ampabattui mae ri karaeng Mesir anne pasanga, angkana, “INakke anne musunnu, he buaya lompo niaka attinro ri tangngana binangaya. Lompoi bawanu accarita angkanaya anjo Binanga Nil ikau pata siagang angkanaya ikau ampareki.

DANIEL 7:25

Bicaranna langngewai ri Allata'ala Kaminang Tinggia siagang lanajallakkangi umma'Na Allata'ala. Eroki napinra sikamma hukkung-hukkung siagang allo lompona agamana umma'Na Allata'ala, siagang lanikoasai ke'nanga lalang tallu assitangnga taung.

DANIEL 7:8

Lalang kuparhatikanna tanru'-tanru'na, ti'ring nia'mo se're tanru' maraeng attimbo ri alla'-alla'na. Anjo tanruka ca'di, mingka akkullei nasorongang siagang nabi'bu' tallu battu ri anjo tanru' rioloangannaya. Anjo tanru' ca'dia nia' matanna sangkamma mata tau siagang nia' bawana accarita tampoa.

MALEAKHI 3:13

Nakana Batara, “Teai sipato' bateKu nuhina lalang ri kana-kanannu.” “Mingka akkuta'nangko angkana, ‘Apa napau ikambe ri passabakkang iKatte?’

2 PETRUS 2:18

A'bicara tampoi siagang a'bicara kosongi ke'nanga; siagang napakemi hawa napasuna ke'nanga untu' ampasala oloangi tau beru ta'lappasaka battu ri pa'rappunganna tau lingua ri katallassanna.

YUDAS 1:16

Anjo taua tuli a'reku'na ngaseng giginna siagang tuli nasalakanna tau maraenga. Tuli naturukiangi ke'nanga apa nakaerokia pa'mai' dorakana ke'nanga. Napalecei kalenna ke'nanga, siagang a'bali' ballammi ke'nanga sollanna akkulle anggappa passawallang.

PAPPICINI' 13:5

Nilappassammi anjo olo'-oloka ampaui bicara-bicara sannaka tampona siagang anghinai Allata'ala. Nipa'biammi ammarenta patampulo anrua bulang sallona.

1 SAMUEL 2:3

Pammarimi bicara kosonga! Pa'le'ba'mi bicara borroa! Nasaba' anjo Batara, Allata'ala Kaminang mapahang; Ia angngadeli sikontu panggaukanna taua.