PAMMUJI 102:14 - KITTA' MATANGKASA'

¹⁴ LambangungKi' na Kikamaseang Sion, narapi'mi wattunTa untu' mangngamaseang ri ia.

PAMMUJI 102:14 Iomraidhean Croise

EZRA 1:5

Nampa sikamma imang kapalaya battu ri golongang suku Yehuda siagang Benyamin, sikamma imanga siagang tu Lewia, kammayatompa sikamma tau nipagioka nyawana ri Allata'ala, apparuru ngasemmi untu' ammotere' mange ri Yerusalem, ambangungi Balla'Na Batara ammotere'.

EZRA 7:27

Nampa nakanamo Ezra, “Pujimi Batara, Allata'ala nisombaya ri boe-boena ikambe! Napa'gilimmi atinna karaenga, sa'genna ero' amparhatikangi Balla'Na Batara ri Yerusalem.

NEHEMIA 1:3

Nacaritami ke'nanga angkana sikamma anjo tau le'baka nipela' ammotere'mi mange ri anjo pa'rasanganga. Mingka kamma-kamma anne teai sipato' sessana katallassanna, siagang sangnging nihinai ri sikamma bansa maraeng niaka a'reppese'. Nampa pole sikamma tembo' kalli'na Yerusalem ancuru' iji tassimbung-simbung, kammayatompa sikamma pakke'bu' lompona tenapa nale'ba' nipakabaji' baku' le'ba'na nitunu ri wattu allaloa.

NEHEMIA 2:17

Mingka kale'bakkanna kukanamo ri ke'nanga, “Cini' minne antekamma sessana tallasatta! Kota Yerusalem ammantang mami sesa-sesa rumbangngang kammayatompa sikamma pakke'bu' lompona la'busu'mi nakanre pepe'. Umba nanibangungi ammotere' sikamma tembo' kalli'na kota Yerusalem, sollanna tenamo nanahinaki' taua.”

NEHEMIA 2:3

kunampa appiali angkana, “Poro la'bui umurutta satunggu-tungguna karaeng! Antekamma talasusa atanta, punna kota pa'jerakkanna boe-boena atanta kamma-kamma anne sesa-sesa rumbangngang mami; pakke'bu' lompona ancuru'mi nakanre pepe'.”

NEHEMIA 4:10

Mingka appakkaramulami tu Yahudi akkunrareng lalang kelong nakana, “Dodommi ikambe angngangka' nampa jaina ija loro attambung. Takkullea maki' anjama kamma anne untu' ambangungi tembo'na anne kotaya.”

NEHEMIA 4:2

Ri dallekanna agang-aganna ngaseng siagang tantara Samaria nakanamo, “Apa anjo nagaukang tu Yahudi cilakaya, tenaya apa-apa akkulle nagaukang? Apaka eroki ke'nanga ambangung poleangi anne kotaya? Maka nakana kapang ke'nanga akkullei le'ba' lalang siallo anjo jama-jamanga, lanri assarena bawang koro'bang ke'nanga? Maka akkullei anjo tambungang loro ammutunga le'ba' nakanre pepe' napa'jari batu-batu untu' anjo tembo' kallika?”

NEHEMIA 4:6

Na ilalanna anjo wattua anjama tulusu'mi ikambe ampakabajiki anjo temboka. Na tasalloai anjo le'ba'mi sikontu anjo temboka nibajiki sa'genna bageruanna tinggina, saba' lompo sikali sumanga'na ra'yaka anjama.

PAMMUJI 119:126

O, Batara, narapi'mi wattunTa angngalle tindakang, lanri nadakkai taua hukkunTa.

PAMMUJI 79:1

Pammujina Asaf. O, Allata'ala, bansa tenaya naassengKi' naempoimi butta pisakaTa. Nara'massimi BallatTa, napa'jarimi Yerusalem rumbangngang balla'.

YESAYA 14:1

LaNakamaseangi Batara Israel umma'Na, siagang Napilemi ke'nanga a'jari taunNa. LaNaboliki ammotere' ke'nanga ri pa'rasangang kalenna. Bansa maraenga labattu nampa asse're siagang ke'nanga.

YESAYA 40:2

Pakasannangi atinna tu Yerusalem, pauangi angkanaya lakala'busammi nipare' ata. Kupammopporammi salana, le'ba'mi Kuhukkung a'lappi rua sikamma dosana ke'nanga.”

YESAYA 51:3

Ikau Yerusalem, laKusaleoriko, siagang sikontu niaka ammantang ri alla'na rumbangannu. Sikamma parang kalotoro'nu Kupa'jari koko ga'ga, rapang Eden, koko coppongKu. Anjoreng taua larannui siagang ma'reja-rejai siagang appala' sukkuru' lalang kelong-kelong.

YEREMIA 29:10

Nakana Batara, ‘Punna ganna'mo wattua tujupulo taung untu' Babel, laKuparhatikangko pole ammotere', siagang laKurupai janjingKu untu' angngerangko ammotere' mae ri anne tampaka.

YEREMIA 30:18

Nakana pole Batara: “Ikau, ummakKu laKukamaseangko siagang laKupakabajiki ammotere' katallassannu ri butta passolongang cera' kalennu. Lanibangungi ammotere' Yerusalem, siagang lanipakabajiki balla' karaenna.

DANIEL 9:16

Le'ba'mi Kiallei ikambe ri jammang riolo, lanri kammana anjo tea maKi' larroi pole mae ri Yerusalem, kota KalenTa, bulu' matangkasatTa. Lanri dosana ikambe siagang kaja'dallanna boe-boena ikambe, nasikontu tau niaka ri tammulilina ikambe nacini' tunami kota Yerusalem siagang ummatTa.

RUT 1:6

Siapa are wattu ribokoanganna, nalangngere' kabara'mi Naomi angkanaya nibarakkakimi umma' Israel ri Batara, na baji'mo wassele' lamung-lamunna ke'nanga. Lanri kammana, apparurumi Naomi siagang anjo ruaya ana' mintunna untu' ambokoi Moab.