PAMMUJI 102:13 - KITTA' MATANGKASA'

¹³ Mingka iKatte, o, Batara, Karaeng satunggu-tunggua, tuli niu'rangiKi' ri sikontu turungang.

PAMMUJI 102:13 Iomraidhean Croise

PAMMUJI 135:13

O, Batara, iKatte tuli lanikabarrang, siagang arenTa niu'rangi ri sikontu turungang,

PAMMUJI 44:26

Tu'guru'mi ikambe ancuru' ri buttaya, attinro naung ri limbu'buka lanri nibeta.

PAMMUJI 51:18

Tena Kiero' ri koro'bang nisamballea; ebara' angkana assarea' koro'bang nitunu, tena nalaKingai.

PAMMUJI 7:6

boli'ma' kamma niondang siagang nijakkala' ri musu, nampa nibunoa' kuniboli' ri buttaya.

PAMMUJI 75:2

Manynyombai ikambe mae ri Katte, o, Allata'ala, appala' sukkuruki ikambe mae ri Katte na nakabarrang bate pare' malompoTa.

PAMMUJI 90:2

Ri tenanapa nipa'jari sikamma moncong-monconga, tenanapa Kipareki buttaya siagang linoa, iKattemi Allata'ala mannannungang, tena pakaramulanTa nataena kala'busanTa.

PAMMUJI 92:9

saba' iKatte, o Batara, koasaKi' satunggu-tungguna.

KALAPPASSANG 3:15

Kabarrang tongi angkanaya iNakke, Batara, Allata'alana boe-boena ke'nanga, Allata'alana Abraham, Ishak siagang Yakub, ansuroko mae ri ke'nanga. INakke Batara, iaminjo arengKu sa'genna satunggu-tungguna. Iaminjo nisa'bukanga' ri sikontu bansaya sa'genna sikontu bija-bijanna.

YESAYA 14:32

Apa lanipappialiang mae ri sikamma tunisuroa battu ri bansa Filistin? Lanikana ri ke'nanga angkana le'ba'mi Nabangung Batara kota Sion, siagang umma'Na sessaya lanijagai anjoreng.

YESAYA 40:2

Pakasannangi atinna tu Yerusalem, pauangi angkanaya lakala'busammi nipare' ata. Kupammopporammi salana, le'ba'mi Kuhukkung a'lappi rua sikamma dosana ke'nanga.”

YESAYA 60:1

Ambangungko nai' siagang a'jariko singara', he Yerusalem, saba' nia'mi battu singara' kasalamakkannu; Allata'ala ansingariko siagang kala'biranNa.

YEREMIA 31:23

Batara Kaminang Koasaya, iamintu Allata'alana Israel, nakana, “Punna le'ba'mi Kupa'jari pore ummakKu sangkamma riolo, ri pa'rasangang Yehuda siagang ri desa-desana nia' nilangngere' tau lakkana, ‘Dasi-dasi naNabarakkaki Batara bulu' matangkasaka ri Yerusalem tampa' pammantangngang matangkasaka untu' KalenNa.’

DANIEL 12:9

Appialimi angkana, “A'lampamako kamma-kamma anne Daniel, nasaba' anne kana-kanaya musti nicokkoi siagang nirahasiakangi sa'genna kala'busang jammanga.

LAMPA-LAMPANA 1:7

Appialimi Isa Nakana, “KalenNa ManggeKu lampattantui allonna siagang wattunna. Anjo tena naparallu nuasseng, nasaba' anjo lalang koasaNai Manggea.

GALATIA 4:4

Mingka ri wattunna narapi' baji'mo wattunna, Nasuromi Ana'Na Allata'ala antama' ri anne linoa. Nilassukammi anjo ana'Na ri se'reang baine, nattallasa'mo irawangang kakoasanna hukkung agamaya.

2 PETRUS 3:12

lalang nutayanna siagang nupakalinta'na Allo kabattuanNa Allata'ala. Anjo Alloa lala'busuki nakanre pepe' langika, siagang lassolongi sikamma apa-apa niaka ri langi' napakamma bambang.

2 PETRUS 3:8

Mingka sari'battangku ngaseng, anne se'rea passala' teako kaluppai: angkanaya ri paccini'Na Batara, anjo se'rea allo tena sisalana siagang sisa'bua taung. Anjo ruaya wattu sangkamma le'ba'ji mae ri Ia.