PAMMUJI 101:4 - KITTA' MATANGKASA'

⁴ Taeroka' a'gau' jekkong siagang taeroka' ampantamaki kalengku ri kaja'dallanga.

PAMMUJI 101:4 Iomraidhean Croise

PAMMUJI 119:115

He tau ja'dalaka, bellako battu ri nakke! Erokka' mannuruki ri parentaNa Allata'alaku.

PAMMUJI 26:4

Taeroka' a'rappungang siagang tu patipua, yareka sileporang siagang tu munapeka.

PAMMUJI 26:5

Kukabirisi passe'reanna tu a'gau' ja'dalaka, kuliliangi pa'rappunganna tu ja'dalaka.

PAMMUJI 6:8

Tabajikami paccinikku napakamma si'na nanremeng-remeng lanri musu-musungku.

PANGNGEBARANG 11:20

Nakabirisi Batara tau ja'dalaka pa'mai'na, mingka Nakamaseangi tau tenaya callanna tallasa'na.

PANGNGEBARANG 22:24

Teako sileporangi siagang tau nangaia larro siagang tau lintaka bambang cera'na.

PANGNGEBARANG 29:27

Tau bajika tena nasannang mae ri ja'dalaka; tau ja'dalaka nakabirisi tau bajika.

PANGNGEBARANG 3:32

Saba', anjo Batara Nakabirisi tau a'gau' ja'dalaka, mingka agang jarreki siagang tau lambusuka lalang tallasa'na.

PANGNGEBARANG 8:13

Punna nipakala'biri' Batara, battuanna nikabirisi kaja'dallanga; takungaiyai kaborroanga siagang katampoanga. Kukabirisi gau'-gau' ja'dalaka siagang kana-kana annipua.

PANGNGEBARANG 9:6

Bokoi kadongokanga, sollannu attallasa' mate'ne. Pinawangi oloanna tau cara'deka.”

MATIUS 7:23

Mingka laKukana sallang appiali, ‘Tena le'bakako Kuasseng! A'lampa ngasengko anrinni ikau le'baka a'gau' ja'dala'!’ ”

2 KORINTUS 11:33

Mingka nipantamama' ri karanjenga nampa niolorokka' naung ri se'reang kali'bonna tembo' pa'rinrinna kotaya. Kammami anjo nakuta'lappasa'mo battu ri limanna anjo guburnurka.

2 TIMOTIUS 2:19

Mingka anjo pammentengang makassa' le'baka Napare' Allata'ala takkulleai nipata'ge'goso'. Irateanganna nia' tattulisi' angkanaya, “Naassengi Batara sikamma taunNa,” siagang “Inai-nai nakana kalenna taunNa Batara, musti ammarimi anggaukangi gau' salaya”.