PAMMUJI 100:4 - KITTA' MATANGKASA'

⁴ Antama' mako battu ri pakke'bu' lompona siagang kelong sukkuru', antama' ri balla' luara'na siagang lagu pammuji-muji. Sukkurukko mae ri Ia siagang pujimi!

PAMMUJI 100:4 Iomraidhean Croise

1 PATTOTTORANG 29:13

Kamma-kamma anne, o Allata'alana ikambe, appala' sukkuruki ikambe mae ri Katte, siagang mammuji ikambe ri areng mala'biritTa.

1 PATTOTTORANG 29:20

Le'baki appala' doang kamma, nakanamo Daud mae ri tau jai niaka a'rappungang anjoreng, “Mammujiko ri Karaeng Allata'alanu!” Jari yangasenna anjo taua mammuji-mujimi mae ri Batara, Allata'ala nasombaya boe-boena ke'nanga. Nampa su'ju' ke'nanga untu' ampakalompoi Batara siagang Karaeng Daud.

PAMMUJI 122:2

Kamma-kamma anne battumi ikambe ri pakke'bu' lompona kota Yerusalem.

PAMMUJI 122:4

Anrinnimi suku-suku bansaya battu, suku-suku bansa Napilea Batara, untu' appala' sukkuru' mae ri Ia situru' parentaNa.

PAMMUJI 65:1

Untu' pamimping pakelong. Pammujina Daud. Kelong.

PAMMUJI 66:13

Langngeranga' koro'bang nitunu mange ri BallatTa na kurupai janjingku mae ri Katte,

PAMMUJI 95:2

Umba kimandallekang ri Ia siagang kelong kasukkurang, akkio' rannu ri Ia siagang lagu pammuji.

PAMMUJI 96:2

Akkelongko mae ri Batara siagang Ia nupuji; allo-allona pa'la'bangi kabara' nikarannuanga angkanaya le'ba' maki' Napasalama'.

PAMMUJI 96:8

Pujimi arenNa mala'birika, siagang angngerangko koro'bang antama' ri Balla'Na.

PAMMUJI 99:3

Boli'mi kamma mammuji ke'nanga ri areng mala'biri'Na. Iami matangkasa'!

YESAYA 35:10

Sikamma tau Nipakabebasaka ri Batara lammotereki; antamaki ke'nanga ri Yerusalem akkio' rannu, corai rupanna ke'nanga lanri karannuang mannannunganga. Larannui siagang lama'reja-rejai ke'nanga; lanynya'mi susaya siagang kunrarenga.

IBRANI 13:15

Lanri kammana, tete ri Isa, paralluki' tuli mammuji-muji ri Allata'ala; iaminjo a'jari koro'bang sukkurutta mae ri Ia, nipassareanga lalang kana-kana nipaua untu' ampakala'biriki arenNa.