PAMMUJI 100:3 - KITTA' MATANGKASA'

³ U'rangi angkanaya anjo Karaeng Allata'ala. Ia ampa'jariki' siagang Ia ampatangki'; ikatte umma'Na, bansa Naparakaia.

PAMMUJI 100:3 Iomraidhean Croise

2 KARAENG-KARAENG 19:19

O Batara, Allata'alana ikambe, Kilappassang laloi ikambe battu ri anjo tu Asyur, sollanna akkulle naasseng sikontu bansaya ri lino angkanaya iKatteji bawang Allata'ala.”

1 PATTOTTORANG 16:14

Karaenga Iami Allata'alata, apa le'baka Napattantu nigaukangi malla'bang lino.

AYUB 10:3

Apa Kisawala' punna Kijallakkanga' kamma anne, siagang Kipela' bate pa'jari kalenTa? Apa Kisawala' punna Kiiyoang panggappana siagang rancanana tau ja'dalaka?

PAMMUJI 119:73

IKattemi ampa'jaria' siagang amparekka', Kisarea' pammahang untu' ampilajari sikamma parentaTa.

PAMMUJI 12:4

Kipammarimi anjo kana-kana manynyonyo'na ke'nanga, o, Batara, Kitongkoki bawana tu lompo bawaya

PAMMUJI 149:2

Rannuko, he Israel, lanri Mappa'jarinu; ma'reja-rejako, he pandudu'na Sion, lanri Karaennu!

PAMMUJI 46:10

Napammari pa'bundukanga ri sikontu linoa, anrong panaya siagang pokea Naancuruki, pa'lapa' a'bundalaka untu' batangkalea Natunui.

PAMMUJI 78:52

Nampa Napimping umma'Na sanrapang pa'rappungang gimbala', narurungang ke'nanga angngolo ri parang lompoa.

PAMMUJI 79:13

Nampa ikambe ummatTa, gimbala' Kikalawakia, lappala' sukkuruki mae ri Katte sa'genna satunggu-tungguna, siagang mammuji mae ri Katte lalang sikontu turungang.

PAMMUJI 95:3

Saba' Batarami Allata'ala malompo, Karaeng malompo rateanganna sikontu rewataya.

KALAPPASSANG 6:7

LaKuerangko mange ri pa'rasangang Kupa'janjianga ammake sumpa mae ri Abraham, Ishak siagang Yakub; Kupassareangi anjo buttaya mae ri kau a'jari ikau ampatangi. INakkemi Batara.”

KATO'BA 12:1

U'rangi Ampa'jariako ri wattu rungkanu ija, ri tenanapa nabattu taung-taung jai sessa. Anjo wattua lanukanai, “Tena namate'ne tallasakku.”

YESAYA 63:11

Nampa angngu'rangimo ke'nanga ri rewasa' allaloa, ri jammanna Musa, atanNa Batara. Akkuta'nangi ke'nanga angkana, “Kemae Batara, anrurungangai sikamma pamimpinna umma'Na allalo ri tamparanga? Kemae Batara ampassareangai koasaNa mae ri ke'nanga?

YESAYA 63:19

IKatte ampa'jari ikambe rapang tena le'bakaKi' makoasa mae ri kambe; rapang tena le'bakai ikambe a'jari ummatTa.

YESAYA 64:7

Tenanniakka appala' doang mae ri Katte, yareka appala' pannulung battu ri Katte, saba' Kicokkoi rupanTa battu ri kambe, na Kilappassang ikambe nipanraki ri dosana ikambe.

YEREMIA 10:10

Mingka iKatte, Batara, Allata'ala tojenga, Allata'ala assarea katallassang, Karaeng mannannunganga. Punna larroKi', ta'ge'gosoki buttaya, Punna nassuKi' tattahangngai bansa-bansaya. (

YEHEZKIEL 34:11

Nakana Batara Kaminang Tinggia, “KalengKu lamboyai sikamma gimbalakKu siagang amparakai ke'nanga,

YOHANES 17:3

Iaminne katallassang mannannungang; sollanna naassengKi' taua Bapa', angkanaya tena ruanTa Allata'ala sitojennaya. Kammayatompa nanaasseng tongi Isa Almasi, iamintu Kisuroa battu antama' ri lino Bapa'.

2 KORINTUS 4:6

Nakana Allata'ala, “Nikellai ammumba singaraka battu lalang ri sassanga,” na KalenNa tommi Allata'ala ampamumbai anjo singaraka lalang ri atinta, sollanna a'jari singara' pikkiranta, nakkulle nipahang caya malompoNa Allata'ala niaka accaya ri rupanNa Almasi.

EFESUS 2:10

Ikatte bate pare'Naki' Allata'ala; tete ri Isa Almasi, Napare' beru maki' Allata'ala, sollanna nigaukang apa-apa bajika, le'baka Napasadiangki' Allata'ala.

PAOLE 32:15

Umma'Na Batara a'jari kalumanynyang, mingka nangai mangngewa, nasorongbokoi Mappasalama' porea. Co'mo' ngaseng kalenna, lanri bassoro' ri kanre, mingka nabokoi ke'nanga Allata'ala Mappa'jarina.

PAOLE 32:6

Kammaminjo batenu ambalasaki baji'Na Batara, e, sikamma tau dongoka siagang tenaya nacara'de'? Sai Iami Manggenu, Mappa'jarinu, siagang ampa'jariako se're bansa?

PAOLE 4:35

Yangasenna anjo sikammaya Napappicinikangi Batara mae ri kau ngaseng untu' ampa'butti angkanaya Iaji bawang Batara Allata'ala, tena pantaranganna maraengang.

PAOLE 4:39

Lanri kammana anjo angngu'rangi mako anne alloa siagang teako takkaluppai: Bataraji bawang Allata'ala ri langika siagang ri linoa, tena ruanna siagang tena maraenganna.

PAOLE 7:9

U'rangi angkanaya Karaeng Allata'alanu bawang Allata'ala, tena pantaranganna, siagang Iami Allata'ala tamamminraya nyawaNa. Narupai Batara janjinNa siagang Napappicinikangi pangngamaseanNa tenaya tappu'na sa'genna sisa'bu turungang mae ri tau mangngamaseanga ri Ia siagang mannurukia ri parenta-parentaNa.

1 PETRUS 2:25

Riolo sanrapangko gimbala' tappelaka, mingka kamma-kamma anne le'ba' mako nierang ammotere' untu' amminawang ri Pakalawakinnu siagang Pammarakainna nyawanu.

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.

1 PETRUS 4:19

Lanri kammana, punna nia' tau angkasiaki sessaya lanri Nakaerokinna Allata'ala kammaya anjo, parallui nabajiki tallasa'na siagang parallui napappirannuang kalenna mae ri Batara Mappa'jarina ke'nanga. Iami tuli lanrupai janjinNa.

1 YOHANES 5:20

Niassemmi angkanaya battumi Ana'Na Allata'ala siagang le'ba' maki' Napapahangngiang sollanta tappa' mae ri Allata'ala sitojennaya. Asse're maki' mae ri Allata'ala sitojennaya lalang ri katallassanta, kammayatompa asse're tommaki' mae ri Ana'Na, iamintu Isa Almasi. Iami Allata'ala sitojennaya, siagang Iami katallassang sitojennaya siagang mannannunganga.