PAMMUJI 100:2 - KITTA' MATANGKASA'

² Gaukangi ibadanu mae ri Batara siagang rannu, battuko mandallekang ri Ia siagang kelong ma'reja-reja!

PAMMUJI 100:2 Iomraidhean Croise

1 KARAENG-KARAENG 8:66

Ri allo makasagantujuna, nasuromi Salomo taua ammotere'. Yangasenna ke'nanga mammujimi ri ia, nampa ammotere' mange ri balla'na ke'nanga siagang rannu pa'mai', lanri yangasenna anjo barakka' Napassareanga Batara mae ri atanNa Daud siagang mae ri umma'Na bansa Israel.

2 PATTOTTORANG 29:30

Karaenga siagang pamimping-pamimpinna ra'yaka nasuroi akkelong tu Lewia untu' angkelongangi kelong-kelong le'baka napare' Daud siagang Na'bi Asaf. Rannu kabusu'mi pa'mai'na sikontu taua nampa akkulantu' siagang anynyomba ri Allata'ala.

2 PATTOTTORANG 31:2

Napattantumi ammotere' regu-reguna sikamma imanga siagang tu Lewia situru' pambageang tugasa'na ke'nanga. Anjo tugasa'-tugasa'na massing ke'nanga iamintu: assare koro'bang nitunu siagang koro'bang pappasiama', allayani upacara panynyombang ri Balla'Na Batara, kammayatompa mammuji siagang appala' sukkuru' mae ri Batara lalang ri a'rupa-rupaya tampa' ri Balla'Na Batara.

PAMMUJI 42:4

Allo bangngia' angngarru', je'ne' mata mami kanre-kanreangku. Sila'busu'na alloa akkuta'nang musungku angkana, “Kemaeji Allata'alanu?”

PAMMUJI 71:23

Akkio' marannua' ma'reja-reja, na kumakkelong mammuji ri Katte. Nyawaku siagang tubuku makkelong rannu, saba' le'ba'ma' Kipasalama'.

PAMMUJI 95:2

Umba kimandallekang ri Ia siagang kelong kasukkurang, akkio' rannu ri Ia siagang lagu pammuji.

PAOLE 12:12

A'rannu-rannuko ri dallekanNa Karaeng Allata'alanu, siagang sikamma ana'-ana'nu, ata-atannu siagang sikamma tu Lewi ammantanga ri kota-kotanu, lanri anjo tu Lewi tena nanggappa pambageang butta ri pa'rasangannu.

PAOLE 16:11

A'rannu-rannuko ri dallekanNa Karaeng Allata'alanu, ri anjo tampa' le'baka Napattantu, siagang ngaseng ana'-ana'nu, ata-atannu, kammayatompa tu Lewi, tubattu-battua, ana'-ana' kukanga siagang sikamma janda niaka ammantang ri kota-kotanu.

PAOLE 16:14

A'rannu-rannu mako siagang ana'-ana'nu, ata-atannu, tu Lewi, tubattu-battua, ana'-ana' kukanga siagang sikamma janda niaka ammantang ri kota-kotanu.

PAOLE 28:47

Le'ba' mako nibarakkaki ri Karaeng Allata'alanu lalang ri sikontu passala', mingka tena nuero' ampa'jari atai kalennu mae ri Ia siagang ati matulusu'nu kammayatompa rannu nyawanu.

FILIPI 4:4

Poro tuli rannu ngasengi pa'mai'nu, lanri le'ba'numo asse're siagang Batara. Sikalipi pole kukana: rannu mako!