PAMMUJI 10:8 - KITTA' MATANGKASA'

^8-9 Acokkoi ri desa-desaya ero' ambunoi tau tenaya salana. Sanrapangi singa attayanga ri bokona rompo'-rompoka ammata-matai tau tenaya pakkullena. Naadangi tu kasi-asia ri tampa' sinoa, nabakkai nampa nare'resang a'lampa.

PAMMUJI 10:8 Iomraidhean Croise

2 KARAENG-KARAENG 21:16

Pantaranganna a'gau' dosana tu Yehuda mae ri Batara lanri anynyombana barhala, Manasye sanna' todong jaina tau tena salana nabuno sa'genna tassolommo ceraka ri kere-keremae ri Yerusalem.

AYUB 24:14

Ambangung subui battu ri tinrona pabuno-bunoa, nampa assulu' ammuno tukamase-mase, siagang ri tenanapa nabari'basa', a'dikki-dikkimi sangkamma palukka'.

PAMMUJI 17:11

Majumi ke'nanga angngewa' siagang angkatulunga', a'boya kasampatang ero' ampatappasaka'.

PAMMUJI 94:6

Nabunoi jandaya siagang ana'-ana' kukanga na bansa maraeng ammantanga ri anne pa'rasanganga.

PANGNGEBARANG 24:15

Teako sangkammai tau ja'dalaka, assikongkoloki untu' angngellaki tau lambusuka siagang anrampasaki balla'na.

YEREMIA 22:17

Mingka ikau, Yoyakim, maraengi. Ikau kaparalluang kalennu bawang nuboya. Nubunoi tau tenaya salana, siagang nujallakkangi ra'yaka nukapallakki.

HABAKUK 3:14

Pana-panaTa natarrusuki pamimpinna pasukang balia ri wattu battuna tantarana kamma anging lompo kassa'na, sollanna nipatassimbung-simbung ikambe. Sannang nyawana ke'nanga ammakkala' kamma tau a'mere'-merekia anjallakkangi tau kakuranganga.

LUKAS 10:1

Le'baki anjo Napileimi pole Isa tujupulo ana' gurunNa, nampa Nasuro ke'nanga a'lampa ta'rua-rua. Nasuroi ke'nanga a'lampa riolo mange ri kota-kota siagang sikamma tampa' eroka Nakunjungi.

LUKAS 8:1

Tena nasallo ribokoanganna, a'lampami Isa mange ri kota-kotaya, siagang ri kampong-kamponga, untu' ambirittakangi Kabara' Bajika, angkanaya lappakkaramulami ammarenta Allata'ala salaku Karaeng. Nia' tongi ana' gurunNa sampuloa anrua amminawang.

HAKING-HAKING 9:25

Appania'mi pajaga ri coppo'-coppo' buluka a'boya akkala taua ri Sikhem untu' anjakkalaki Abimelekh. Sikamma tau niaka ammalo anjoreng nirampo' ngasengi ri anjo pajaga-pajagaya. Na nipabattumo mae ri Abimelekh anjo apa kajarianga.

1 SAMUEL 22:18

Lanri kammana nakanamo Saul ri Doëg, “Lintakko! Ikaumo ambunoi anjo ke'nanga!” Jari majumi Doëg nampa nabuno ngaseng anjo imang-imanga. Anjo alloa nia' sagantujupulo allima imang nabuno, ia imang akkullea ammake baju efod.

1 SAMUEL 23:23

Jari paressa baji'-bajiki sikamma kali'bong le'baka napaccokkoi, nampa ammoterekko mae sallang untu' allaporoki mae ri nakke. Nampa la'lampa' siagang ikau ngaseng, siagang punna nia' iji ri anjo daeraya, mattantu lakuboyai, manna pole namusti kupasimbung sikontu Yehuda!”