PAMMUJI 10:16 - KITTA' MATANGKASA'

¹⁶ Batara ammarenta sa'genna satunggu-tungguna; bansa-bansa tenaya namangngasseng ri Ia la'lanynyaki battu ri buttana.

PAMMUJI 10:16 Iomraidhean Croise

1 PATTOTTORANG 29:11

Malompo tojengKi' siagang makoasaKi'. Mala'birikKi', kabarra-barraKi', siagang ri Kattemi kalompoanga. Sikontu apa-apa niaka ri langi' siagang ri buttaya iKatte ngaseng pata, iKatte Karaeng Lompo, makoasaya mae ri sikontu-kontuna.

PAMMUJI 145:13

PamarentahanTa tulusuki sa'genna satunggu-tungguna, kakoasanTa attahangi sikontu turungang. Tamamminrayai Batara ri sikontu janjinNa, rassi pangngamaseang sikontu panggaukanNa.

PAMMUJI 146:10

Anjo Batara Karaeng satunggu-tungguna. He Sion, Allata'alanu makoasa lalang sikontua jammang. Pujimi Batara!

PAMMUJI 29:10

Makoasai Batara ri a'ba lompoa, makoasai salaku Karaeng sa'genna satunggu-tungguna.

PAMMUJI 78:55

Ri dallekanna umma'Na na Nabongka panduduka anjoreng nampa Nabage-bage anjo pa'rasanganga mae ri sikontu suku bansa Israel, umma'Na, sa'genna akkulle napammantangi ke'nanga kema-kemana musunna.

PAMMUJI 9:15

sollangku mammuji ri Katte ri dallekanna pandudu' Yerusalem. Lakkio'-kiokka' ma'rannu-rannu lanri Kipasalamakka'.

PAMMUJI 9:5

Nasaba' iKatte ammarenta, a'jari haking adele'; IKatte ampattojenga' ri parkaraku.

PAMMUJI 9:8

Batara ammarenta satunggu-tungguna; Napaenteng empoang kala'biranNa untu' angngadeli linoa.

PAMMUJI 93:1

Batarami Karaeng; ammake kalompoang siagang kagassingang. Ammenteng kassa' linoa takkullea ta'lengga.

KALAPPASSANG 15:18

IKattemi Batara, Karaeng, ammarentaya satunggu-tungguna.”

YESAYA 33:22

Sikontu pakkakasa' niaka ri kappala'na ke'nanga tena ngaseng matu-matunna; sikamma sombala'na takkulleai nipaka'rang! Sikontu kakalumanynyanganna pasukang musua lanirampasaki, teai sipato' jaina, sa'genna manna tau pesoka anggappa ngaseng bageang. KalenNa Batara la'jari karaenta; Ia lammarenta, ampaentengi hukkunga siagang ampasalamakki' battu ri musua.

YEREMIA 10:10

Mingka iKatte, Batara, Allata'ala tojenga, Allata'ala assarea katallassang, Karaeng mannannunganga. Punna larroKi', ta'ge'gosoki buttaya, Punna nassuKi' tattahangngai bansa-bansaya. (

PIRAUNG 5:19

Mingka iKatte, o Batara, tuli makoasa, iKatte ammarenta satunggu-tungguna.

DANIEL 4:34

Ri wattunna allalomo anjo wattu tuju taunga sallona, accongama' nai' ri langika, nampa ammotere'mo pangngu'rangingku. Jari kupujimi Allata'ala Kaminang Tinggia. Kupakalompoi siagang kupakala'biriki anjo Allata'ala mattallasaka mannannungang. “Allata'ala la'jari Karaeng untu' satunggu-tungguna. Ia makoasa ri sikontu jammanga.

DANIEL 6:26

Le'baki anjo akkirimmi sura' Karaeng Darius mange ri tau battua ri sikontu bansaya, suku bansaya siagang bahasaya ri sikontu linoa, angkana, “Salama' battu ri nakke!

PAOLE 8:20

Punna tena numannuruki mae ri Karaeng Allata'alanu, tena taniancuru'nu todong sangkamma bansa-bansa maraenga, ia Naancuruka ri dallekanna matannu.”

1 TIMOTIUS 1:17

Siratangi nipakalompo siagang tuli nipuji Allata'ala, Karaenna sikontu jammanga, lanri Iami mannannungang, tenaya nakacinikang siagang tenaya ruanna! Aming.