PAMMUJI 1:3 - KITTA' MATANGKASA'

³ Tau kammaya lamanggappa wassele' ri sikontu usahana; rapangi poko' kayu ri biring binanga a'rappoi punna narapi' wattu pa'rappoang tale'baka kalumeng leko'na.

PAMMUJI 1:3 Iomraidhean Croise

PA'JARIANG 39:23

Anjo kapala balla' tarungkua tenamo najannangngi sikontu apa-apa napappirannuanga mae ri Yusuf lanri nitulungi Yusuf ri Batara sa'genna a'jari ngaseng sikontu jama-jamanna siagang baji'.

PA'JARIANG 39:3

Nacini'mi karaenna angkana nitulungi ri Batara anjo Yusuf. Na lanri kammana minjo nanjari ngasemmo siagang baji' sikontu apa najamaya.

2 KARAENG-KARAENG 18:7

Lanri kammanami anjo natuli nitulung ri Batara, sa'genna a'jari ngaseng sikontu usahana. Angngewai ri karaeng Asyur, siagang tena naero' tundu' mae ri ia.

1 PATTOTTORANG 22:11

Nampa nakanamo pole Daud, “Kamma-kamma anne, anakku, poro tuli natulungko Karaeng Allata'alanu. Siagang poro a'wasselekko ambangung balla' untu' Batara sangkamma anjo apa le'baka Napa'janjiang.

1 PATTOTTORANG 22:13

Punna nuturuki sikontu hukkung Napassareanga Batara ri Musa untu' bansa Israel, la'wasselekko. Paralluko matappa' siagang barani. Teako mallakki andallekangi manna pole apa mamo.

2 PATTOTTORANG 31:21

A'jari jama-jamanna, lanri sikontu apa nagaukanga untu' Balla'Na Batara yareka untu' anturuki hukkung-hukkunNa Batara, attojeng-tojengi pa'mai'na anggaukangi siagang attojeng-tojengi pa'mai'na mangngamaseang ri Karaeng Allata'alana.

2 PATTOTTORANG 32:23

Jaimi tau battu mange ri Yerusalem untu' angngerang passare mae ri Batara siagang hadia-hadia untu' Hizkia; sa'genna baku'na anjo wattua nikangngalikammi ri sikontu bansaya.

AYUB 14:9

mingka punna nisero ri je'ne', attimbo poleammi; sangkamma lamungang beru, ammumba poleammi cu'la'-cu'la'na.

AYUB 22:28

Usahanu tuli langngerangi wassele', siagang singaraka lassingari tallasa'nu.

PAMMUJI 128:2

Langnganreko battu ri wassele' jama-jamannu, attallasa' kala'biang siagang salewangang.

PAMMUJI 129:8

Sikamma tau allaloa lanakana, “Poro nibarakkakiko ri Batara, ikambe ambarakkakiko lalang arenNa Batara.”

PAMMUJI 92:14

Sanrapangi ke'nanga poko' nilamunga ri Balla'Na Batara, a'bakkaka ri Balla'Na Allata'alata,

PAMMUJI 92:15

poko' tuli a'rappoa ri wattu toanamo, tuli moncongbulona siagang copponna.

YESAYA 27:11

Punna kalotoro'mo siagang tepo'mo anjo tangke-tangke kayua, battumi bai'-bainea angngalle nampa napa'jari kayu tunuang. Anjo bansaya tena apa-apa napahang, jari tena nalanisayang yareka tena nalanikamaseang ke'nanga ri Allata'ala Mappa'jarina.

YESAYA 3:10

Nakana Batara, “Pabattui mae ri tau mannurukia ri Nakke angkana lamate'nei siagang lasalamaki ke'nanga. Lanakasia' bajiki ke'nanga wassele' posona.

YESAYA 44:4

Lacoppongi pa'bakka'na ke'nanga rapang ruku' ri ampi' je'ne', rapang poko' gandarusa ri biring binangaya.

YESAYA 58:11

INakke tuli lampimpingko siagang lampakabassorokko ri butta kalotoroka; iNakke lanjagaiko sollannu tuli akkamale siagang kassa'. Larapangko koko anggannaka ri je'ne', rapang timbuseng je'ne' tenaya nale'ba' a'jari kalotoro'.

YEREMIA 17:8

Ia rapangi poko' kayu ri biring binanga assolonga je'ne'na; a'la'baki aka'na sa'genna je'neka. Tena namalla' ri wattu timoro', tuli moncongbulona leko'na. Manna pole nituju pa'rasanganga ri kakalotorang, tena nalussa' lanri tuli nia'na rapponna.

YEHEZKIEL 17:8

Padahala' anjo poko' anggoroka attimbomi ri butta coppong siagang alla'bia je'ne'na, sa'genna akkulle coppong leko'na, roasa' rapponna, siagang a'jari poko' anggoro' baji'.

YEHEZKIEL 19:10

Amma'nu rapangi poko' anggoro' ga'ga attimboa ri koko a'biring pangka binangaya. Coppongi leko'na na'rappo lanri alla'bina je'neka anjoreng.

YEHEZKIEL 31:5

Lanri tale'baka kurang je'ne'na, coppongi timbona, lompoi na la'bu tangkenna. Battu ri sikontu poko' kayu ri romang, iami kaminang tinggi nai'.

YEHEZKIEL 47:12

Ri sikamma birinna anjo binangaya napattimboi sangka' rupa poko' kayu rappo-rappoang. Tale'bakai kalumeng leko'na anjo poko'-pokoka, siagang tena la'busu'na rapponna. Anjo poko'-pokoka lappa'niaki rappo-rappo beru ri tunggala' bulang, nasaba' tuli nibasaina ri je'ne' a'lo'loroka battu ri Balla'Na Batara. Rapponna a'jari kanreang-kanreang siagang leko'na a'matu-matui untu' pa'balle.”

PAMMILANGNGANG 24:6

Rapangi lappara' luaraka, yareka koko niaka ri biring binangaya; rapang poko' gaharu Nalamunga Batara, poko' arasa' niaka ri biring kaloroka.

MATIUS 13:6

Mingka ri wattu nai'namo alloa, appakaramulami kalumeng anjo bine beru accu'laka; nampa kalotoro', sa'genna mate, nasaba' tenana nalantang antama' ri buttaya aka'na.

MATIUS 21:19

Nia' nacini' se're poko' ara ri biring aganga. Mangemi anjoreng ri poko' araya. Mingka manna sibatu tania' Nacini' rapponna pantaranganna leko-leko'na bawang. Nakanamo Isa ri anjo poko' araya, “Tenamo nukkulle a'rappo pole!” Nakalumeng memammo silalonna anjo poko' araya.

MATIUS 21:34

Se're wattu, narapi'mi wattunna lanialle rapponna anjo anggoroka ri kokonna. Nasuromi siapa are palayanna anjo patanna koko mange ampalaki tawana ri anjo tau anjamayai kokonna.

MATIUS 21:41

Appialimi ke'nanga angkana, “Mattantu lanabunoi anjo tau ja'dala' kammaya. Nampa napappitesangang ri tau maraeng anjo kokonna, eroka ambagei punna narapi' wattunna nibage wassele'na anjo kokoa.”

YOHANES 15:6

Inai-nai tena natuli asse're siagang iNakke, lanipelaki sanrapang anjo tangkea, nampa a'jari kalotoro'. Anjo tangke-tangke kammaya lanipasse'rei, nampa nibuang antama' ri pepeka, nampa nitunu.

PAOLE 28:8

LaNabarakkaki Karaeng Allata'alanu usahanu siagang laNabonei sikamma pammolikannu siagang gandung. LaNabarakkakiko ri pa'rasangang Napassareanga mae ri kau.

YUDAS 1:12

Ri wattunnu assua'-suara' angnganre, ia ngasemmi anjo tau kammaya anra'massiko. Nasaba' tena siri'na ke'nanga angnganre siagang sanna' angngoana; kaparalluang kalennaji bawang najampangi ke'nanga. Sanrapangi ke'nanga rammang nairika anging mingka tena nappaturung bosi. Sanrapang tongi ke'nanga poko' kayu tenaya na'rappo manna pole nawattu pa'rappoammo; sanrapangi poko' kayu le'bakamo nibi'bu' siagang mate taba sikalimi.

PAPPICINI' 22:2

angngoloa ri tangnga-tangngana agang lompona anjo kotaya. Ri biring pimbali-baliNa anjo binangaya, nia' poko' katallassang, pissampuloa anrua a'rappo lalanna sitaung, iamintu sikali sibulang. Leko'na nipakei untu' amballei bansa-bansaya.