PAMMILANGNGANG 1:1 - KITTA' MATANGKASA'

¹ Ri tanggala' se're bulang rua lalang taung makarua nabokoinamo bansa Israel butta Mesir, a'bicarami Batara mae ri Musa lalang ri KemaNa Batara ri parang lompona Sinai. Nakana,

PAMMILANGNGANG 1:1 Iomraidhean Croise

1 KARAENG-KARAENG 6:1

Napakaramulai Salomo ambangungi Balla'Na Batara ri bulang Ziw, iamintu bulang makarua, lalang taung makaappa'na ammarenta, yareka 480 taung le'ba'na bansa Israel ambokoi Mesir.

KALAPPASSANG 19:1

Le'baki anjo a'lampami tu Israel ambokoi Rafidim. Na ri tanggala' se're bulang makatallu ri le'ba'na nabokoi Mesir, battumi ke'nanga mae ri parang lompona Sinai. Appare'mi ke'nanga kema ri bangkenna Moncong Sinai,

KALAPPASSANG 25:22

AnjorengA' ri tampaka lasibuntulu' siagang ikau; siagang battu rate ri pattongko'na, ri alla'na anjo ruaya malaeka' akka'nyi', laKusareko hukkung-hukkungKu untu' bansa Israel.”

KALAPPASSANG 40:17

Jari ri tanggala' se'rena bulang se're ri taung makaruana nabokoi bansa Israel pa'rasangang Mesir, nipatabami anjo KemaNa Batara.

KALAPPASSANG 40:2

“Bangummi anjo KemaKu ri tanggala' se're bulang se're.

KAIMANGNGANG 1:1

Battu ri KemaNa, Nakioki Batara anjo Musa nampa Nasare paratorang-paratorang,

KAIMANGNGANG 27:34

Iaminjo parenta-parenta Napassareanga Batara irate ri Moncong Sinai mae ri Musa untu' bansa Israel.

PAMMILANGNGANG 1:18

na nasuro Musa siagang Harun sikontu ummaka asse're ri tanggala' se're bulang rua, nampa nisusung pattottoranna ke'nanga situru' golongang passibijanna lalang ri tunggala' sukuna ke'nanga. Nicata'mi sikontu tu bura'ne umuru' ruampulo taunga na rateanganna nampa nibilang,

PAMMILANGNGANG 12:4

Ti'ring Nakanamo Batara mae ri Musa, Harun siagang Miryam, “Ikau sipattallu a'lampako mange ri KemaKu.” Nampa a'lampamo ke'nanga mange anjoreng

PAMMILANGNGANG 9:1

Ri bulang se're lalang taung makaruaya ri le'ba'namo nabokoi bansa Israel butta Mesir, a'bicarami Batara mae ri Musa ri parang lompona Sinai. Nakana Batara,

PAOLE 1:3

Ri tanggala' se're bulang sampulo asse're lalang taung makapatampulona le'ba'na nabokoi ke'nanga butta Mesir, napabattumi Musa mae ri anjo bansaya sikontu apa Nasuro pabattua Batara mae ri ke'nanga.

PAOLE 2:14

Anjo kajariangi ri wattunna tallumpulo assagantuju taung le'ba'namo nibokoi Kades-Barnea. Sikontu tantaraya ri anjo silapisika turungang mate ngasemmi sangkamma Nakananga Batara.

PAOLE 2:7

U'rangi antekamma bateNa Karaeng Allata'alanu le'ba' ambarakkakiko lalang sikontu apa nugaukanga. Naparakaiko siapa sallonu lalang ri pa'la'bakkannu a'jappa ri anne parang lompoa. Nala'langngiko lalang anne patampulo taunga siagang Nasareko sikontu apa nuparalluanga.