PA'JARIANG 9:1 - KITTA' MATANGKASA'

¹ Nabarakkakimi Allata'ala anjo Nuh siagang sikamma ana'na na Nakana, “Ammana'-manakko siagang accucu-cucuko nu'jari jai, sollanna akkulle sossorannu napammantangngi sikontu linoa.

PA'JARIANG 9:1 Iomraidhean Croise

PA'JARIANG 1:22

Yangasenna anjo sikammaya Nabarakkakimi Allata'ala. Siagang Nasaremi parenta sikamma olo'-olo' attallasaka lalang je'ne' sollanna a'bija-bija siagang napirassi tamparanga, kammayatompa jangang-janganga sollanna pila' katambang.

PA'JARIANG 1:28

Nampa Nabarakkaki ke'nanga angkana, “Ammana'-mana' mako siagang accucu-cucu mako nu'jari jai, sollanna napammantangngi sossorannu sikontu buttaya siagang nanakoasai. Kusareko tugasa' untu' amparakai sikamma juku'-jukuka, jangang-janganga, siagang sikontu olo'-olo' maraenganga ia liaraka.

PA'JARIANG 10:32

Ia ngasemmi anjo sossoranna Nuh, massing-massing bansa, situru' massing garisi' sossoranna ke'nanga. Iaminne ke'nanga nakabattui sikontu bansa-bansaya ri anne linoa, baku' le'ba'na kajariang a'ba lompoa.

PA'JARIANG 2:3

Nampa Nabarakkakimo anjo allo makatujua siagang Nasa'la'mi a'jari allo pammari-mariang, lanri iaminjo alloa Nammari-mari Allata'ala ri wattu le'ba'namo Napa'jari jama-jamanNa.

PA'JARIANG 35:11

Nampa Nakana pole Allata'ala, “INakkemi Allata'ala Kaminang Koasaya. Ammana'-mana' mako siagang accucu-cucu mako jai. Ikaumi lanakabattui bansa-bansa siagang la'jari boena sikamma karaenga.

PA'JARIANG 8:17

Erang ngasengi assulu' sikontu jangang-janganga siagang olo'-olo' maraengannaya, lompoa siagang ca'dia, sollanna akkulle a'bija-bija siagang a'la'bang ri sikontu linoa.”

PA'JARIANG 9:19

Anjo tallua ana'na Nuh, iami boe-boena sikontu taua ri lino.

PA'JARIANG 9:2

Sikontu jangang-janganga siagang jukuka kammayatompa olo'-olo' maraengannaya lamalla' ngasengi ri kau. Yangasenna anjo ke'nanga nia' ngasengi lalang kakoasannu.

PA'JARIANG 9:7

Jari, ikau musti ammana'-manakko siagang accucu-cucuko nu'jari jai, sollanna akkulle sossorannu napammantangngi sikontu linoa.”

PAMMUJI 112:1

Pujimi Batara! Mate'nei tau mappilangngeria, mangngaia ri sikamma parentaNa Batara.

YESAYA 51:2

U'rangi boe-boenu Abraham siagang Sara; wattunna Kukio' Abraham natena ana'na; nampa Kubarakkaki siagang Kusarei turungang jai.