PA'JARIANG 7:11 - KITTA' MATANGKASA'

¹¹ Ri wattunna 600 taung umuru'na Nuh, ri tanggala' sampulo antuju bulang rua, tassungke ngasemmi timbuseng je'neka irawanganna buttaya. Sikontu pakke'bu' je'neka ri langika tassungke ngasemmi,

PA'JARIANG 7:11 Iomraidhean Croise

PA'JARIANG 6:17

LaKupabattui a'ba lompoa untu' angngancuruki sikamma apa attallasaka ri lino. Lamate ngasengi sikontu apa niaka ri lino,

PA'JARIANG 7:6

Anjo wattu kajarianna a'ba lompoa ri lino, narapi'mi 600 taung umuru'na Nuh.

PA'JARIANG 8:14

Ri tanggala' ruampulo antuju bulang rua, kalotoro'mi buttaya.

PA'JARIANG 8:2

Natongko' ngasemmi sikontu timbuseng je'ne' niaka rawa ri buttaya siagang pakke'bu' je'ne' niaka ri langika. Ammarimi bosia,

2 KARAENG-KARAENG 7:19

Na anjo wattua angkanami anjo pambantuna karaenga, “Kemae lakkulle! Tena nantama ri akkala' anjo kammaya, manna pole Nappaturung bosi lompo Batara battu ri langika ri kamma-kammaya anne!” Nampa nipiali ri Elisa angkana, “Sinampe' nanuciniki kajariang anjo passalaka, mingka ikau tena nalanukasia' manna sike'de' anjo kanrea.”

2 KARAENG-KARAENG 7:2

Appialimi pambantuna karaenga angkana, “Kemae lakkulle! Tena nantama ri akkala' anjo kammaya, manna pole Nappaturung bosi lompo Batara battu ri langika ri kamma-kammaya anne!” Appialimi Elisa angkana, “Sinampe' nanuciniki kajariang anjo passalaka, mingka ikau tena nalanukasia' manna sike'de' anjo kanrea.”

AYUB 12:15

Natahangi je'neka, nakalotoro' siagang roso' sikamma niaka; Nalappassangi assolong, nabattumo a'baya!

AYUB 28:4

Bellai, ri tampa' tenaya tau ammantang, tampa' tenaya nale'ba' nionjo' siagang nilaloi, ta'gentungi taua ri otere' anjama lalang ri kali'bong nikeke, sannaka sinona.

AYUB 38:16

Maka le'bakko naung ri kabattuanna siagang dapara'na tamparanga? Le'bakko a'jappa-jappa ri dapara'na tamparang lompoa?

AYUB 38:37

Inai ganna' cara'de'na anrekengi rammanga nampa nabulinta' sollanna turung bosia,

PAMMUJI 33:7

Sikontu je'ne' tamparanga Napasse'rei ri se'reang tampa', tamparang lompoa Natahangi lalang se're pannahangngang je'ne'.

PAMMUJI 74:15

Kipa'lo'loroki je'ne' timbusenga siagang je'ne' binangaya; binanga lompoa Kipa'jari kalotoroki.

PANGNGEBARANG 3:20

Lanri pangngassenganNa naNapare' sikamma kabattuanna je'neka irawa ri reppe'na buttaya nampa napalo'loro' je'ne'na kammayatompa rammanga ri langi' appatiri' je'ne' ri buttaya.

YESAYA 24:18

Tau laria battu ri anjo kagegeranga latu'guruki antama' ri sikko' tattannanga, na tau ta'lappasaka battu ri sikkoka laniallei ri tado'. Bosi lompoa latattumpai battu rate ri langika, nampa dapara'na buttaya lata'goccangi.

YESAYA 24:19

A'lattai buttaya, ta'lenggai, na ancuru'.

YEREMIA 5:22

INakke Batara; angngapa natena numalla' ri Nakke? Mustina annekkerekko mae ri Nakke! INakke ampa'jari biring tamparanga a'jari pa'baeng-baeng tamparang tenaya nakkulle nilaloi sa'genna satunggu-tungguna. Tamparanga akkullei lompo bombanna siagang a'jallo' bombanna, mingka takkulleai nalalo anjo pa'baeng-baenga.

YEREMIA 51:16

Poro assareji bawang parenta, nammarrummo je'neka battu ri passimbanga. Battu ri cappa'na buttaya Napabattui rammanga, nampa Napare' kila' tassioroka lalang ri bosia, na Napabattu anginga battu ri pammolikanna.

YEHEZKIEL 26:19

Nakana Batara Kaminang Tinggia, “Kupa'jariko sino sikali sangkamma kota tenaya pandudu'na. LaKutambungiko siagang je'ne' battu ri tamparang lompoa.

MALEAKHI 3:10

Erang ngasengi bage sampulona panggappannu mange ri BallakKu sollanna nia' kanre alla'bi-la'bi anjoreng. So'riMa', nalanucini' angkanaya Kusungkei sikamma pakke'bu'na surugaya siagang Kupila'juiko kabajikang.

MATIUS 24:38

Ri allo-allo tenanapa nabattu a'ba lompoa, angnganre-nganrei, angnginung-nginungi, siagang a'bunting-buntingi taua. Kammaminjo tuli nagaukanga taua, sa'genna antama' Na'bi Nuh ri biseang lompo napareka.

1 TESALONIKA 5:3

Punna nakana taua, “Amang ngasenji siagang sannang ngasenji,” iaminjo wattua nati'ring natuju ke'nanga kapanrakang na tena manna sitau akkulle ta'lappasa'. Tena nanisanna-sannai nakajariang anjo passalaka; sanrapangi pa'risi'na se'rea baine ri wattunna lanalassukang ana'na.

2 PETRUS 3:6

kammayatompa je'ne' todong, iamintu je'ne' a'ba nipake ampanraki anjo lino jammang rioloa.