PA'JARIANG 6:4 - KITTA' MATANGKASA'

⁴ Ri anjo jammanga siagang ri le'ba'na anjo, nia' tau sannaka lompona ngaseng kalenna ri lino. Anjo ke'nanga ana'-ana' battu ri sikamma anjo tulolo a'buntinga siagang rewata-rewataya. Anjo tau lompoa ngaseng kalenna masahoroki niasseng siagang iami pahlawang-pahlawang lompo ri jammang riolo.

PA'JARIANG 6:4 Iomraidhean Croise

PA'JARIANG 11:4

Nakanamo ke'nanga, “Umba kimbangung kota siagang se're menara ta'rapika coppo'na sa'genna ri langi', sollanna ki'jari masahoro' siagang tena kisisa'la'-sa'la ri sikontu linoa.”

PAMMILANGNGANG 13:33

Ba'lalo nia' nacini' ikambe tau sangkamma rassasa, iamintu jari-jarina tu Enak. Punna nipasinrapangi siagang ke'nanga, ikambe rapang jaki' katimbang; siagang mattantu kammaminjo panggappana ke'nanga mae ri kambe.”

PAOLE 2:11

Sangkamma tu Enak, anjo ke'nanga nikana tongi tu Refaim; mingka niarengi ke'nanga ri tu Moab: Tu Emim.

PAOLE 3:11

Anjo Karaeng Og iami karaeng kala'busanga ri tu Refaim. Patti maya'na iamintu batu nipare'; la'buna appa' metere' na sangkara'na a'biringi rua metere' situru' siagang ukkurang le'baka nipattantu. Sa'genna kamma-kamma anne akkulle iji nicini' ri Raba, kotana tu Amon.)

1 SAMUEL 17:4

Na nia'mo se're tau pore assiba'ji iamintu niarenga Goliat, tu battu ri kota Gat, assuluki battu ri kemana tu Filistin untu' ampa'ngarai tu Israel. Tinggina nia' kira-kira tallu metere',