PA'JARIANG 4:4 - KITTA' MATANGKASA'

⁴ Na naalle tommo Habel kalase'renna ana' gimbala' bungasa'na, nanasamballe, nampa nakoro'bangkang bageang kaminang bajika mange ri Batara. Sannammi nyawaNa Batara mae ri Habel siagang anjo koro'bang napassareanga.

PA'JARIANG 4:4 Iomraidhean Croise

PA'JARIANG 15:17

Ri wattunna bangngimo, ti'ring nia'mo ammumba pappalluang a'rumbu siagang sulo a'rinra, nampa numalo ri alla'na anjo dageng-dageng le'baka nipue.

PA'JARIANG 4:3

Siapa are wattu ribokoanganna naallemi Kain siapa are wassele' lamung-lamunna nampa nakoro'bangkang mange ri Batara.

1 KARAENG-KARAENG 18:24

Lappassammi anjo na'bi-na'bi Baal appala' doang mae ri rewatana ke'nanga, nampa inakke lappala' doang tonga' mae ri Batara. Ia appialia siagang pepe', Iami Allata'ala.” Sikontu ra'yaka appiali ngasemmi angkana, “Situju!”

1 KARAENG-KARAENG 18:38

Nampa appabattumo Batara pepe' battu ri langika siagang nakanre anjo kayua siagang anjo koro'banga sa'genna ammutung, batu-batunna, buttana, kammayatompa nalepa' ngaseng tommi je'ne' niaka ri kaloroka.

1 PATTOTTORANG 21:26

Nampa ambangung Daud se're tampa' pakkoro'bangngang ri anjo tampaka untu' Batara, siagang assaremi koro'bang nitunu, kammayatompa koro'bang untu' pappasiamakkang. Nampa appala' doang na nitarimamo pappala'na iamintu appaturummi pepe' Batara battu rate ri langika na nakanre anjo sikamma koro'bang niaka irate ri tampa' pakkoro'bangnganga.

2 PATTOTTORANG 7:1

Le'baki Salomo appala' doang, nia'mo pepe' turung battu rate ri langika angkanrei anjo koro'bang-koro'bang nipassareanga mae ri Batara. Nampa rassimo anjo Balla'Na Batara ri singara' kahaderanNa Batara,

PAMMUJI 20:3

Poro akkiringi bantuang battu ri Balla'Na, na Nasareko pannulung battu ri Bulu' Sion.

KALAPPASSANG 13:12

musti nupassareangi sikamma ana' bura'ne bungasa'nu siagang sikamma olo'-olo' piara lakia ia bungasa' lassuka. Yangasenna anjo Batara pata,

PANGNGEBARANG 3:9

Pakala'biriki Batara siagang assareko koro'bang kaminang bajika battu ri barang-barang wassele' buttanu,

KATO'BA 4:4

Kuasseng tongi angkanaya tamaka batena anjama terasa' rupataua, lanri poro assereatina bawang anciniki wassele' usahana siampi' balla'na. Yangasenna anjo poro sia-siaji bawang, sanrapang usaha angngondang anging.

KAIMANGNGANG 9:24

Ti'ring Napanaummi Batara pepeka nanakanre sa'genna la'busu' koro'bang nitunua siagang bageang-bageang niaka jannana irate ri tampa' pakkoro'bangnganga. Nacini'na umma' Israel anjo kammaya, a'gora-gora rannumi ke'nanga nampa su'ju' anynyomba.

PAMMILANGNGANG 16:15

Teaimi sipato' larrona Musa siagang nakanamo mae ri Batara, “O Karaeng, tea' laloKi' tarimai passarena ke'nanga. Tena le'bakai nia' ri ke'nanga kupakarugi, manna pole sitau tania'; ba'lalo manna pole sikayua keledai tale'ba' nia' kualle battu ri ke'nanga.”

PAMMILANGNGANG 16:35

Nampa appabattumo pepe' Batara na nakanre sa'genna ammutung anjo 250 tau assarea dupa.

PAMMILANGNGANG 18:12

Kupassareangi mae ri kau sikamma kaminang bajika battu ri kattoang uru-urua, napassareanga tu Israel mae ri Nakke tunggala' taung, iamintu minynya' zaitun, je'ne' anggoro' siagang gandung.

PAMMILANGNGANG 18:17

Mingka sapi, gimbala' siagang bembe bungasa' lassuka, tena nakkulle nipasulu'. Anjo olo'-oloka musti untu' iNakke siagang musti nikoro'bangkangi. Patiriki cera'na mae ri tampa' pakkoro'bangnganga siagang tunui jannana a'jari koro'bang. Rasanna napakasannangi nyawaKu.

IBRANI 11:4

Lanri tappa'na, nanapassareang Habel koro'banga mae ri Allata'ala, iamintu koro'bang bajikanganga na koro'bang napassareanga Kain. Lanri ia anjo tappa'na, nanitarimamo Habel ri Allata'ala a'jari tau baji'; nasaba' ma'nassami angkana nitarimai ri Allata'ala koro'banna. Matemi Habel, mingka lanri anjo tappa'na, tuli a'bicarana ija sa'genna kamma-kamma anne.

IBRANI 9:22

Kammami anjo pangngatorang agamana tu Yahudia, angkanaya yangaseng-ngasenna parallui nitangkasi siagang cera'; kammayatompa iapa nakkulle nipammopporang dosaya punna nia' cera' tassolong.

PAPPICINI' 13:8

Anjo olo'-oloka lanisombai ri sikontu tau attallasaka ri lino, pantaranganna tau le'bakamo nitulisi' arenna ri wattu tenanapa nipa'niaki linoa, lalang ri kitta' katallassanNa anjo Ana' Gimbala' le'baka nisamballe.

HAKING-HAKING 6:21

Nampa napajonjo anjo limanna malaeka'Na Batara, nanasaremo anjo dagenga siagang rotia siagang cappa' kayu nata'galaka. A'rinrami anjo batua, sa'genna la'busu'mo akkanre anjo dagenga siagang rotia. Nampa allanynya'mo anjo malaekaka.

1 SAMUEL 15:22

Mingka nakanamo Samuel, “Kereanga la'bi Nangai Batara, mappilangngeria yareka koro'bang passarea? La'bi bajikangangi mappilangngeria mae ri Batara, naia assarea koro'bang. Mannurukia bajikangngi na jannana gimbalaka.