PA'JARIANG 4:16 - KITTA' MATANGKASA'

¹⁶ Nampa a'lampamo Kain battu ri dallekang mala'biri'Na Batara, namange ammantang ri butta niarenga “Pa'lampang” irayanganna koko Eden.

PA'JARIANG 4:16 Iomraidhean Croise

PA'JARIANG 3:8

Anjo karuenga nalangngere'mi ke'nanga nia' Karaeng Allata'ala a'jappa lalang ri kokoa. Jari accokkomi ke'nanga ri alla'na poko'-poko' kayua sollanna tanicinika ri Batara.

PA'JARIANG 4:14

Kibongkama' battu ri anne buttaya, bella battu ri dallekang mala'biritTa. La'lampama' mange-mange na tena pammantangangku ri lino, siagang lanibunoa' ri tau ambuntulukia' sallang.”

PA'JARIANG 4:17

Nia'mo ana'na Kain siagang bainenna, iamintu sitau bura'ne niarenga Henokh. Nampa ambangummo Kain se're kota na naareng anjo kotaya situru' arenna ana'na.

2 KARAENG-KARAENG 13:23

Mingka Nakamaseangi Batara umma'Na siagang Napammopporangi ke'nanga. Tena Nabalang parekangi ke'nanga niancuru' passangalinna Natulungi ke'nanga, lanri parjanjianNa siagang Abraham, Ishak siagang Yakub. Sa'genna kamma-kamma anne tale'bakai Nakaluppai umma'Na.

2 KARAENG-KARAENG 24:20

Teai sipato' larroNa Batara mae ri pandudu'na Yerusalem siagang ri tu Yehuda, sa'genna tenamo Naparhatikangi ke'nanga.

AYUB 1:12

Nakanamo Batara ri lapung Panggoda, “Baji'mi, gaukammi apa eroka nugaukang mae ri sikontu kakalumanynyanganna Ayub, assala' teako pa'risi'!” A'lampami lapung Panggoda battu ri dallekanNa Batara.

AYUB 2:7

A'lampami lapung Panggoda battu ri dallekanNa Batara, nampa napa'jari puru lompomo sibatu kalenna Ayub, battu ri pala' bangkenna sa'genna nai' ri cappa' ulunna.

AYUB 20:17

Talanakasiakkami minynya' zaitun alla'bia, yareka dadi' siagang bani tattumpa-tumpaya napakamma jai.

PAMMUJI 5:11

Hukkungi ke'nanga, o Allata'ala, lappassammi cilaka lanri rancanana tonji. Bongkai ke'nanga lanri jaina dosana, saba' angngewami ke'nanga mae ri Katte.

PAMMUJI 68:2

Ammentemmi Allata'ala ampasisa'la'-sa'laki musunNa, tau birisika ri Ia larimi battu ri dallekanNa.

KALAPPASSANG 20:18

Ri wattunna nalangngere' taua gunturuka siagang sa'ra tarompeka, kammayatompa nacini'na kilaka siagang a'rumbu monconga, annekkere'mi ke'nanga napakamma malla', siagang ammenteng battu bellami ke'nanga.

YEREMIA 23:39

laKurappungi ke'nanga nampa kupasambila bella-bella, baji' nakalenna ke'nanga kammayatompa kota le'baka Kupassareang mae ri ke'nanga siagang mae ri boe-boena ke'nanga.

YEREMIA 52:3

Teai sipato' larroNa Batara mae ri pandudu'na Yerusalem siagang tu Yehuda, sa'genna Nabongka ke'nanga siagang tenamo Nala'langngi pole ke'nanga. Angngewai Zedekia mae ri Nebukadnezar karaeng Babel;

YUNUS 1:3

Mingka ba'lalo a'lampa maraengi Yunus untu' ampakabellai kalenna battu ri Batara. A'lampa mangei ri Yopa, na sitabangi nia' kappala' ero' a'lampa mange ri Spanyol. Le'baki a'bayara' ongkoso' kappala', nai'mi ri kappalaka, nampa assombala' siagang ana' kappalaka mange ri Spanyol, untu' ampakabellai kalenna battu ri Batara.

MATIUS 18:20

Nasaba' kemae nia' rua yareka tallu tau a'rappungang nasaba' iNakke, laniakKa' hadere' ri tangnga-tangngana ke'nanga.”

LUKAS 13:26

Lappiali ngaseng mako angkana, ‘Le'ba' maki' sipangnganreang, siagang le'ba' tommaki' angngajara' ri oloang-oloanga lalang ri kotana ikambe!’

YOHANES 1:10

Niaki Kanaya ri lino, tete ri Ia nipa'jari linoa, mingka taniassengai ri linoa.

YOHANES 1:3

Tete ri Iami nanipa'jari sikontu apa niaka, na sikontu apa niaka, tenanniakka manna sirupa nipa'jari punna tamannetea ri Ia.

1 TESALONIKA 1:9

Nacarita ngasemmi taua antekamma batenu antarimai ikambe pirangalloang, ri wattunna battu ikambe mae ri kau. Nacaritami ke'nanga antekamma batenu ambokoi sikamma barhalaya nunampa battu mae ri Allata'ala mattallasaka siagang tenaya ruanna untu' anynyomba mae ri Ia.