PA'JARIANG 4:1 - KITTA' MATANGKASA'

¹ Nampa assikatinroammo Adam siagang bainenna iamintu Hawa, sa'genna tianammo anjo bainenna. Ammana'mi sitau ana' bura'ne, nanakana, “Lanri pannulunNa Batara nakuanggappamo sitau ana' bura'ne.” Naaremmi anjo anaka Kain.

PA'JARIANG 4:1 Iomraidhean Croise

PA'JARIANG 3:15

Lasikabirisiko siagang anne bainea. Sossorannu siagang sossoranna latuli simusui. Laniancuruki ulunnu ri sossoranna, nalanukokko' kacunu'na ke'nanga.”

PA'JARIANG 3:24

Nampa irayanganna anjo kokoa, ri dallekanna pakke'bu antamaya, nia'mo sipa'rappungang malaeka' pajaga, siagang nia'mo se're pa'dang a'rinraya pepe'na, amminroa ri kere-keremae, anjagai agang mangea ri anjo poko' assarea katallassang. Jari tenamo manna sitau akkulle antama' siagang a'reppese' anjoreng ri anjo pokoka.

PA'JARIANG 4:2

Nampa ammana'mo pole Hawa sitau ana' bura'ne, niarenga Habel. Habel a'jari pakalawaki gimbala', mingka Kain a'jari pamarri.

PA'JARIANG 4:25

Anggappami pole Adam siagang bainenna sitau ana' bura'ne. Nakanamo Hawa, “Nasarema' Allata'ala ana' bura'ne a'jari sambenna Habel, le'baka nabuno Kain.” Lanri kammana minjo nanaaremmo Hawa anjo anaka Set.

PA'JARIANG 5:29

Nakanamo Lamekh, “Anne anaka lanasareki' karingangngang ri wattunta anjama terasa' anjamai butta le'baka Natunrai Batara.” Lanri kammana naaremmi Lamekh anjo anaka Nuh.

PAMMUJI 127:3

Ana'-anaka passareNa Allata'ala, sikontutojenna, anjo ke'nanga passare.

PAMMILANGNGANG 31:17

Jari, kamma-kamma anne buno ngasengi sikamma ana'-ana' bura'nea siagang sikamma tubaine tenayamo natulolo.

1 YOHANES 3:12

Teako sangkammai Kain, ia battua ri I Ja'dala' assala'na, siagang ambunoai sari'battang kalenna. Apa saba'na nanabuno Kain sari'battanna? Nasaba' salai anjo apa-apa nagaukanga mingka annabai anjo apa-apa nagaukanga sari'battanna.