PA'JARIANG 39:2 - KITTA' MATANGKASA'

² Nitulummi Yusuf ri Batara, sa'genna tuli a'jari baji' sikontu apa najamaya. Ammantammi ri balla'na karaenna, anjo tu Mesirka.

PA'JARIANG 39:2 Iomraidhean Croise

PA'JARIANG 21:20

Nirurungammi Ismael ri Allata'ala. Pila' a'bakka'mi lompona anjo anaka. Ammantangi ri parang lompona Paran, siagang a'jarimi pasoso' sannaka cara'de'na.

PA'JARIANG 21:22

Anjo wattua nia'mi battu Karaeng Abimelekh siagang Pikhol, panglima tantarana, nampa nakana ri Abraham, “Le'ba' mako Natulung Allata'ala ilalang sikontu apa nugaukanga.

PA'JARIANG 26:24

Anjo bangngia Napappicinikammi KalenNa Batara ri ia, na nakana, “INakkemi Allata'alana manggenu Abraham. Teako mallakki; laKujagaiko. LaKubarakkakiko siagang laKusareko turungang sannaka jaina lanri janjingKu mae ri atangKu Abraham.”

PA'JARIANG 26:28

Appialimi ke'nanga angkana, “Kamma-kamma anne naassemmi ikambe angkanaya Najagaiko Batara, siagang napikkiriki ikambe angkanaya bajiki punna apparekki' parjanjiang. Assumpa mako

PA'JARIANG 28:15

U'rangi, angkanaya laKutulungko siagang laKujagaiko, manna kemae lampanu. Kammayatompa laKururungangko ammotere' mae anrinni ri anne pa'rasanganga. Tena nalaKubokoiko sa'genna le'ba' ngaseng Kugaukang apa le'baka Kupa'janjiang mae ri kau.”

PA'JARIANG 39:23

Anjo kapala balla' tarungkua tenamo najannangngi sikontu apa-apa napappirannuanga mae ri Yusuf lanri nitulungi Yusuf ri Batara sa'genna a'jari ngaseng sikontu jama-jamanna siagang baji'.

PA'JARIANG 39:3

Nacini'mi karaenna angkana nitulungi ri Batara anjo Yusuf. Na lanri kammana minjo nanjari ngasemmo siagang baji' sikontu apa najamaya.

2 KARAENG-KARAENG 18:7

Lanri kammanami anjo natuli nitulung ri Batara, sa'genna a'jari ngaseng sikontu usahana. Angngewai ri karaeng Asyur, siagang tena naero' tundu' mae ri ia.

1 PATTOTTORANG 9:20

Pinehas (battuanna poro nila'langi ri Batara) le'ba' a'jari kapalana ke'nanga.

2 PATTOTTORANG 1:1

Salomo ana' bura'nena Karaeng Daud a'jarimi karaeng kassa' empoanna lalang ri kakaraengang Israel. Nibarakkaki ri Karaeng Allata'alana, siagang nipa'jari sannaki lompona kakoasanna.

PAMMUJI 1:3

Tau kammaya lamanggappa wassele' ri sikontu usahana; rapangi poko' kayu ri biring binanga a'rappoi punna narapi' wattu pa'rappoang tale'baka kalumeng leko'na.

PAMMUJI 46:11

Nakana, “Pammari a'bunduka; assengi, angkana iNakke anne Allata'ala, iNakke malompo ri alla'na bansa-bansaya, malompo ri sikontu linoa.”

PAMMUJI 46:7

A'gunturu'mi Allata'ala, na ancuru' taba sikali linoa; gegere'mi bansa-bansaya, runtummi sikamma karaenga.

PAMMUJI 91:15

Punna akkio' mae ri Nakke, laKupiali. Ri wattu kasukkarang, laKutulungi; laKulappassangi na Kusare kalompoang.

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

YESAYA 43:2

Punna nusombali je'neka, iNakke anrurungangko, tena nulatallang lalang ri sikamma kasukkarrannu. Punna allaloko ri pepeka, tena nulammutung, tena nalanabalaiko sikamma paccoba battalaka.

YEREMIA 15:20

LaKupa'jariko rapang tembo' tampa' pattahangngang nipareka battu ri tambaga mae ri ke'nanga. Lanabundukiko ke'nanga, mingka tanakulleai ke'nanga ambetako. INakke lanrurungangko untu' anla'langngiko siagang ampasalamakko.

MATIUS 1:23

“Nia' sallang se're tulolo latianang siagang allassukang sitau ana' bura'ne. Anjo anaka lanigallaraki Imanuel.” (Imanuel iamintu bicara tu Ibrani, battuanna “Niaki Allata'ala anrurungangki'”.)

LAMPA-LAMPANA 8:31

Appialimi anjo taua nakana, “Antekamma lakkulle kupahang punna tena ampakasingarianga'?” Nampa nakio'mi Filipus nai' ri karetaya nammempo siagang.

1 TIMOTIUS 6:1

Ia tu Karisteng a'jari ataya, musti napassiratangi napakala'biri' pinggawana, sollanna takkullea taua ambotto'-bottoki arenNa Allata'ala yareka pangngajaranta.

YOSUA 1:5

Manna sitau tania' lakkulle ambetako, Yosua, lalang tallasa'nu. Nasaba' iNakke latuli anrurungangko ri sa'rinnu sangkamma riolo iNakke anrurungangi Musa ri sa'rinna. Tena nalaKubokoiko.

YOSUA 1:9

U'rangi, angkanaya le'ba'mi Kuparentakang mae ri kau sollannu tappa' tojeng-tojeng siagang barani! Teako mallakki yareka teako naungi sumanga'nu, nasaba' iNakke Karaeng Allata'alanu anrurungangko ri sa'rinnu, manna pole kemae lampanu.”

YOSUA 6:27

Nirurungangi Yosua ri Batara, siagang a'jari masahoroki arenna Yosua ri sikontu anjo pa'rasanganga.

1 SAMUEL 16:18

Nalangngere'na anjo, nia'mo kalase'renna atanna angkana, “Isai pandudu'na Betlehem, nia' sitau ana'na bura'ne cara'de' akkarena musi'. Ia tubarani, siagang se're tantara baji'. Nampa pole gammaraki nacara'de' a'bicara, siagang tuli nitulungi ri Batara.”

1 SAMUEL 18:14

Nakullemi nagaukang anjo sikontu tugasa'na, lanri nitulungi ri Batara.

1 SAMUEL 18:28

Kammaminjo nanaassemmo Saul angkanaya Daud nila'langi ri Batara, siagang ningai tongi ri Mikhal ana' bainena.

1 SAMUEL 3:19

Pila' katambammi lompona Samuel. Nirurungangi ri Batara, siagang Napa'rupami sikamma apa napaua Samuel kajariang tojeng.