PA'JARIANG 3:8 - KITTA' MATANGKASA'

⁸ Anjo karuenga nalangngere'mi ke'nanga nia' Karaeng Allata'ala a'jappa lalang ri kokoa. Jari accokkomi ke'nanga ri alla'na poko'-poko' kayua sollanna tanicinika ri Batara.

PA'JARIANG 3:8 Iomraidhean Croise

PA'JARIANG 18:33

Le'baki a'bicara Batara siagang Abraham, a'lampami Batara, nampa ammotere' tommo Abraham mae ri balla'na.

PA'JARIANG 3:10

Appialimi anjo bura'nea angkana, “KulangngerekKi' nia' ri kokoa. Mallaka' nakuaccokko lanri assolarakka'.”

AYUB 22:14

Nukapangi angkana nitongkoki paccini'Na ri rammang, siagang irateji ri pa'baeng-baenna langika siagang buttaya a'jappa?

AYUB 31:33

Tau maraenga nacokkoi dosana, mingka inakke tena kule'ba' appakamma anjo ke'nanga.

AYUB 38:1

Nampa a'bicaramo Batara battu lalang ri anging lompoa mae ri Ayub, Nakana,

PANGNGEBARANG 15:3

Naciniki Batara sikontu apa kajarianga ri sikontu tampa'; Naparhatikangi sikontu apa bajika siagang ja'dalaka.

YEREMIA 23:24

Tena manna sitau akkulle ancokkoi kalenna battu ri paccinikKu, nasaba' niakKa' ri kere-keremae, ri suruga siagang ri lino.

HOSEA 10:8

Sikamma balla' rewata niaka ri bulu'-bulu'na Betel tampa'na tu Israel anynyomba barhala, laniancuruki. Katintinga siagang rukuka lattimboi ri tampa' pakkoro'bangnganna ke'nanga. Nampa lammarrang ke'nanga mae ri moncong-monconga angkana, “Tongko'mi ikambe!” siagang mae ri bulu'-buluka angkana, “Tujumi ikambe!”

KAIMANGNGANG 26:12

INakke larrurungangko; iNakke la'jari Allata'alanu, na ikau la'jari ummakKu.

YUNUS 1:3

Mingka ba'lalo a'lampa maraengi Yunus untu' ampakabellai kalenna battu ri Batara. A'lampa mangei ri Yopa, na sitabangi nia' kappala' ero' a'lampa mange ri Spanyol. Le'baki a'bayara' ongkoso' kappala', nai'mi ri kappalaka, nampa assombala' siagang ana' kappalaka mange ri Spanyol, untu' ampakabellai kalenna battu ri Batara.

ROMA 2:15

Panggaukannami ke'nanga ampa'nassai angkanaya tattulisiki ri atinna ke'nanga anjo apa-apa napassuroanga anjo hukkung-hukkunga. Atinnami pole ke'nanga ampa'nassai anjo passalaka, nasaba' nia' wattunna nanipasala yareka nanipannaba ri pikkirang kalenna todong ke'nanga.

PAOLE 23:14

Karaeng Allata'alanu anrurungangko lalang ri pakkemaanga untu' alla'langngiko siagang untu' assareko pammetang mae ri musu-musunnu. Jari, jagai sollanna tuli matangkasa' pakkemaannu. Teako nia' apa-apa tenaya nasiratang ri alla'nu, sollanna tena Nabokoiko Batara.”

PAOLE 4:33

Le'bakika nia' bansa akkulle iji attallasa' baku' le'ba'na nalangngere' angkanaya nia' allata'ala a'bicara mae ri ke'nanga battu lalang ri pepeka, sangkamma le'baka nukasia'?

PAOLE 5:25

Mingka angngapa namusti nasaung ija nyawana ikambe? Anjo pepe' sannaka heba'na lanaancuruki ikambe! Tappaki ikambe angkanaya tena tamatena ikambe punna nalangngereki ikambe a'bicara pole Karaeng Allata'ala.

IBRANI 4:13

Tenanniakka manna sirupa apa-apa attallasa' lakacokkoang ri paccini'Na Allata'ala. Sikontu-kontuna lakacinikang ngasengi siagang latassungke ngasengi ri dallekanNa. Siagang musti latanggong-jawa' ngaseng maki' mae ri Ia.

PAPPICINI' 6:15

Nampa karak-karaeng niaka ri lino, sikamma tumalompoa, sikamma panglimaya, sikamma tau kalumanynyanga, siagang sikamma tau anna'galaka koasa kammayatompa sikamma tau maraengannaya, baji' na ata yareka tau bebasa', mange ngasemmi ancokkoi kalenna ri kali'-kali'bong buluka yareka ri alla'-alla'na batua ri buluka.