PA'JARIANG 3:5 - KITTA' MATANGKASA'

⁵ Nakkana kamma anjo Allata'ala lanri Naassenna angkanaya punna nukanre anjo rappo kayua, latassungkei akkala'nu; la'jariko sangkamma Allata'ala siagang lanuassengi apa kodia siagang bajika.”

PA'JARIANG 3:5 Iomraidhean Croise

PA'JARIANG 2:17

pantaranganna anjo poko' assarea pangngassengang ri passala'na bajika siagang kodia. Takkulleai nukanre rapponna anjo poko' kayua; napunna nukanrei tena tamatenu ia memang anjo allo nukanrena.”

PA'JARIANG 2:9

Napatimbomi Karaeng Allata'ala sangka' rupa poko'-poko' ga'ga, bajika rapponna. Ri tangnga-tangngana anjo kokoa nia'mo attimbo poko' assarea katallassang, siagang poko' assarea pangngassengang ri passala'na bajika siagang kodia.

PA'JARIANG 3:10

Appialimi anjo bura'nea angkana, “KulangngerekKi' nia' ri kokoa. Mallaka' nakuaccokko lanri assolarakka'.”

PA'JARIANG 3:22

Nakanamo Karaeng Allata'ala, “Kamma-kamma anne a'jarimi rupataua sangkamma iKatte siagang naassemmi ke'nanga passala' nikanaya baji' siagang kodi. Jari parallui nijagai sollanna tena nakanrei rapponna anjo poko' kayu assarea katallassang, sollanna tena nakkulle attallasa' sa'genna satunggu-tungguna.”

PA'JARIANG 3:7

Silalonna memang le'ba'na nakanre anjo rappo kayua, tassungkemi akkala'na ke'nanga siagang naassemmi kalenna ke'nanga assolara'. Jari nakalimbukimi kalenna ke'nanga siagang leko' kayu naanyanga ke'nanga.

1 KARAENG-KARAENG 22:6

Jari napa'rappungammi Ahab kira-kira nia' 400 na'bi, nampa akkuta'nang ri ke'nanga angkana, “Maka akkulleja' mange ambunduki Ramot yareka tena?” Appialimi ke'nanga angkana, “Akkullei! LaNapassareangi Batara anjo kotaya mae ri katte.”

2 PATTOTTORANG 32:15

Teako lappassangi karaennu amballe-balleiko siagang ampadongo'-dongokko! Teako tappaki mae ri ia. Nasaba' manna kemae tena le'bakai nia' rewatana se'rea bansa akkulle ampasalamaki bansana battu ri kakoasanna karaeng Asyur. Mattantuna anjo rewatanu tena todong nakkulle allappassangko!”

PAMMUJI 12:4

Kipammarimi anjo kana-kana manynyonyo'na ke'nanga, o, Batara, Kitongkoki bawana tu lompo bawaya

KALAPPASSANG 20:7

Teako tappu bawang-bawangngi arengKu, saba' iNakke, Karaeng Allata'alanu, anghukkungi manna pole inai ampake salayai arengKu.

KALAPPASSANG 5:2

Akkuta'nammi karaenga angkana, “Inaika anjo Batara? Angngapa naIa musti kujampangi na kusare ising bansa Israel a'lampa? Tena nakuassengi anjo Batara, siagang tena nakupassareang a'lampa tu Israel.”

YESAYA 14:14

Nukana, angkana ikau lanaikko ri rammang tinggia nu'jari sangkamma Kaminang Tinggia.

YEHEZKIEL 13:22

Tau bajika tenaya naero' Kuapa-apai, nupakaca'di nyawana lanri balle-ballenu. Tau ja'dalaka nupakalompoi nyawana sollanna tuli doraka siagang tena nipasalamaki ke'nanga.

YEHEZKIEL 28:12

“He tau, appiraungko untu' karaeng Tirus. Pabattui apa Kupaua, iNakke, Batara Kaminang Tinggia, mae ri ia angkana, ‘Le'bakko a'jari pangngebarang ri apa nikanaya sangga; riolo ikau sanna' cara'de'nu siagang gammarakko.

YEHEZKIEL 28:2

“He tau, pabattui mae ri karaeng Tirus apa Kupaua, iNakke, Batara Kaminang Tinggia, mae ri ia, angkana, ‘Tampoko ampaui kalennu angkana rewatako ammarentaya ri tangnga-tangngana tamparanga. Akkulleko nukana kalennu rewata, mingka u'rangi, angkanaya ikau poro tau biasajako bawang.

YEHEZKIEL 28:9

Jari, punna narapi'mo anjo wattua, maka akkulle ijako angkana angkanaya ikau Allata'alako? Ri dallekanna ngaseng sikamma tau ambunoako a'nassami angkanaya ikau tau biasa jako.

YEHEZKIEL 29:3

Nasuroa' Batara Kaminang Tinggia ampabattui mae ri karaeng Mesir anne pasanga, angkana, “INakke anne musunnu, he buaya lompo niaka attinro ri tangngana binangaya. Lompoi bawanu accarita angkanaya anjo Binanga Nil ikau pata siagang angkanaya ikau ampareki.

DANIEL 4:30

kukanamo, “Ciniki, tamaka heba'na kota Babel. Inakke ambangungi a'jari ibukota negara, untu' ampa'butti kakoasangku siagang kagassingangku, kala'birangku siagang kalompoangku!”

DANIEL 6:7

Appada-padami ke'nanga a'lampa mange andallekang ri karaenga na nakana ke'nanga, “O Karaengku Darius, la'bui umurutta satunggu-tungguna!

MATIUS 6:23

Mingka punna ra'masaki matannu, sassang ngaseng tommi antu sikontu batangkalennu. Jari punna sassammi lampu niaka ri kalennu, tamakami sassang makkappu'na anjo sassanga!”

LAMPA-LAMPANA 26:18

untu' ansungkeangi matanna ke'nanga, sollanna akkulle assulu' ke'nanga battu ri sassanga nampa antama' ri singaraka; sollanna ta'lappasa' ke'nanga battu ri pangngajara' salana Billisika, nampa nikoasai ke'nanga ri Allata'ala. Na lanri tappa'na ke'nanga mae ri Nakke, naKupammopporammo dosa-dosana siagang la'jarimi ke'nanga umma'Na Allata'ala nipilea.’ ”

2 KORINTUS 11:3

Mingka ranggaselai pa'maikku, gassingka nigodai pikkirannu sa'genna tenamo nujarre' ri janjinnu mae ri Almasi. Sangkamma todong Hawa riolo, nigoda tongi ri kacara'dekanna ularaka.

2 KORINTUS 4:4

Barhala ja'dala' niaka ri lino antongkoki pikkiranna tau tenaya natappa' ri anjo Kabara' Bajika. Iaminjo barhalaya anrompa-rompai ke'nanga sollanna tanacinika singara' battua ri anjo Kabara' Bajika, ri sese kalompoanNa Almasi, a'jaria pammatei rupanNa Allata'ala.

2 TESALONIKA 2:4

Lalang katampoanna nalanaewa siagang lanapakatinggi kalenna irateanganna sikamma nasombaya rupataua, yareka sikamma apa nakanaya rewata rupataua. Ba'lalo lammempoi lalang ri Balla'Na Allata'ala, nampa nakana kalenna iami Allata'ala.

PAPPICINI' 13:14

Na natipu ngasemmo sikontu rupataua ri lino lanri anjo gau'-gau' appakalannasa' akkullea nagaukang ri dallekanna anjo olo'-olo' bungasa' battua sumpaeng. Siagang nasuro ngasemmi ke'nanga appaenteng se're patung untu' anjo olo'-olo' le'baka bokka' nataba pa'dang, mingka attallasa' iji.

PAPPICINI' 13:4

Nasombami ke'nanga anjo naga le'baka assarei kakoasang anjo olo'-oloka. Kammayatompa anjo olo'-oloka nasomba tommi ke'nanga. Nakanamo ke'nanga, “Tenamo sangkammanna anne olo'-oloka! Tenamo akkulle angngewai a'bundu'.”

HAKING-HAKING 3:2

NaNagaukang Batara kammaya, lanri ero'Naji bawang Naajara' a'bundu' sikontu turunganna bansa Israel, la'bipa mae ri ia ke'nanga, tenayapa nale'ba' amminawang a'bundu'.