PA'JARIANG 3:1 - KITTA' MATANGKASA'

¹ Ia ularaka iami kaminang cara'de' ri sikontu olo'-olo' Napareka Karaeng Allata'ala. Akkuta'nangi anjo ularaka mae ri anjo bainea angkana, “Apaka ma'nassa tena tojeng Nakellaiko Allata'ala angkanrei anne sikontu rappo-rappo niaka ri kokoa?”

PA'JARIANG 3:1 Iomraidhean Croise

KATO'BA 4:10

Punna nia' tu'guru' sitau maraenganga akkullei natulung. Mingka punna nia' sitau tu'guru', nampa kale-kalennaja, cilakami, lanri tena tau akkulle antulungi.

YESAYA 27:1

Anjo wattua lammakei Batara pa'dang tarang siagang kassa' untu' anghukkungi Lewiatan, iamintu ulara' ammekko'-mekkoka siagang akkalu'-kaluka, kammayatompa lambunoi naga tamparanga.

MATIUS 10:16

“Parhatikangi anne: Sanrapangko gimbala' tenaya pakkullena Kusuro antama' ri tangnga-tangngana kongkong romang sekkeka. Jari paralluko tutu sanrapang ularaka siagang tuna pa'mai' sanrapang jangang-jangang bodobangkenga.

MATIUS 4:3

Battumi billisika na nakana, “Sai Ana'Nako Allata'ala? Punna kamma, suromi anjo batu-batua a'jari roti.”

MATIUS 4:6

Nampa nakana billisika ri ia, “Sai Ana'NaKo Allata'ala? Punna kamma, a'lumpa' maKo naung; nasaba' nia' tattulisi' lalang ri Kittaka angkanaya, ‘LaNasuroi malaeka'-malaeka'Na Allata'ala anjagaiKo, LaNaruppaiKo lalang limanna ke'nanga, Sollanna manna bangkenNu tena todong nata'runtu' ri batua.’ ”

MATIUS 4:9

Nampa nakana billisika ri Ia, “Yangasenna anjo lakupassareang ngasengi mae ri Kau punna su'jukKo anynyomba mae ri nakke.”

2 KORINTUS 11:14

Takkulleaki' lannasa' punna appakamma anjo ke'nanga, nasaba' manna Billisika ammakeang kamma tonji malaeka' singaraka!

2 KORINTUS 11:3

Mingka ranggaselai pa'maikku, gassingka nigodai pikkirannu sa'genna tenamo nujarre' ri janjinnu mae ri Almasi. Sangkamma todong Hawa riolo, nigoda tongi ri kacara'dekanna ularaka.

1 PETRUS 3:7

Ikau pole, sikamma bura'-bura'nea, parallui baji' pammahannu mae ri bainennu; parallui nuasseng angkanaya anjo tubai'-bainea tau lammai. Bajiki panggaukannu mae ri ia, nasaba' lasiagang ngasengko ke'nanga lantarimai passare lammoro'Na Allata'ala iamintu katallassang sitojennaya. Gaukangi anne kammaya, sollanna tena anrompai pappala' doangannu.

PAPPICINI' 12:15

Jari appasappuru'mi battu ri bawana anjo nagaya sanna' jaina je'ne' mae ri anjo bainea, sollanna akkulle ammanyu'.

PAPPICINI' 12:9

Nipela'mi anjo naga lompoa assulukang! Iami anjo ulara' toaya niarenga Billisi' yareka Roh Ja'dalaka, antipuai sikontu linoa. Nipela'mi naung ri linoa siagang sikontu malaeka'na.

PAPPICINI' 20:2

Nampa najakkala' anjo nagaya, anjo ulara' toaya – iamintu Billisika yareka Roh Ja'dalaka – nampa nasikko' untu' sisa'bu taung sallona.