PA'JARIANG 22:4 - KITTA' MATANGKASA'

⁴ Ri makatalluna alloa nacini' battu bellami Abraham anjo tampaka.

PA'JARIANG 22:4 Iomraidhean Croise

PA'JARIANG 22:3

Ammukona bari'basa', ammisa'-misa'mi kayu Abraham untu' lanapake angngerang koro'bang nampa nasikko' anjo kayua irate ri dongko'na keledaina. A'lampami siagang Ishak kammayatompa rua surona mange ri tampa' Napaua Allata'ala ri ia.

PA'JARIANG 22:5

Nakanamo mae ri anjo ruaya surona, “Ammantang mako kau sipa'rua siagang anne keledaia anrinni. Inakke siagang anakku la'lampa' mange anjoreng untu' anynyomba ri Batara. Sinampe' nammotere' ikambe mae anrinni.”

2 KARAENG-KARAENG 20:5

ammotere' mange ri Hizkia, karaenna Umma'Na Batara, siagang napabattui pasang kammaya anne, “INakke, Batara, Allata'ala nisombaya ri boenu Daud, Kulangngere'mi pappala' doannu siagang Kucini'mi je'ne' matannu. LaKupammolleko battu ri garrinnu; ammembara' la'lampako mange ri BallakKu.

ESTER 5:1

Ri makatalluna allo puasana, napakemi Ester pakeang ratuna, nampa a'lampa mange ri paranglakkeng lalanna balla' karaenga. Ammentengi ri dallekang pakke'bu'na balla' luara' passe'reang taua ri dallekanna karaenga. Anjo wattua sitabangi ammempo karaenga irate ri empoang kala'biranna, a'dalle' mange ri anjo pakke'buka.

KALAPPASSANG 15:22

Nampa naerammo Musa anjo bansa Israel battu ri Tamparang Alara' mange ri parang lompo niarenga Syur. Tallungalloi ke'nanga a'jappa allalo ri parang lompoa, natale'baka ammuntulu' je'ne'.

KALAPPASSANG 19:11

Ammembara' musti sadia ngasemmi ke'nanga. Ri anjo alloa lanaungA' ri coppo'na Moncong Sinai, tampa' akkullea nacini' ngasengA' taua.

KALAPPASSANG 5:3

Nakanamo Musa siagang Harun, “Le'ba'mi Napappicinikang KalenNa Allata'alana tu Ibrani mae ri kambe. Kisaremi ising ikambe a'lampa mange ri parang lompoa, kira-kira bellana battu anrinni tallungalloi nijappai. Eroki kambe mange assare koro'bang mae ri Batara, Allata'alana ikambe. Punna tanagaukangnga ikambe anjo kammaya, lanibunoi ikambe passala' garring yareka pa'bundukang.”

HOSEA 6:2

Lalang anne rua yareka tallungalloa laNapa'jari bajikki' ammotere', nakilattallasa'mo ammotere' irawa ri la'lanNa.

KAIMANGNGANG 7:17

Punna ri makatalluna alloa nia' ija tassesa, anjo dagenga musti nitunui sa'genna cappu'.

PAMMILANGNGANG 10:33

Le'ba'namo nabokoi bansa Israel Moncong Sinai, iamintu moncong pammantangnganNa Batara, a'jappami ke'nanga tallungallo. Patti ParjanjianNa Batara tuli nierangi ri dallekanna ke'nanga untu' a'boya tampa' pakkemaanna ke'nanga.

PAMMILANGNGANG 19:12

Ri allo makatallua siagang makatujua musti natangkasi kalenna siagang je'ne' upacara; punna le'baki, nampami a'jari tangkasa'. Mingka punna ri makatalluna alloa siagang ri makatujuna alloa tena natangkasi kalenna, tuli ra'masa'na.

PAMMILANGNGANG 19:19

Musti napiracciki ri allo makatallua siagang ri allo makatujua. Ri anjo allo makatujua le'ba'mi anjo allo pannangkasinna anjo tau ra'masaka. Anjo taua musti nasassai pakeanna siagang musti a'je'neki. Appakkaramula ri wattu labuna alloa a'jari tangkasa'mi.

PAMMILANGNGANG 31:19

Nampa ikau sikamma le'baka ammuno tau yareka anseroi mayaka, musti ammantangko ri pantaranganna kemaya lalang tuju allo sallona. Ri allo makatallu siagang makatujua, ikau ngaseng siagang sikontu anjo baine nutahanga musti nugaukangi upacara pannangkasi kalea.

MATIUS 17:23

Lanibunoi, mingka lambangung poleangi ri makatalluna alloa.” Jari sanna' ngasemmi si'nana atinna ana'-ana' gurunNa.

LUKAS 13:32

Appialimi Isa Nakana, “Mange mako pauangi anjo tau tenaya matu-matunna angkanaya, ‘Anne alloa siagang ammuko Kubongkai setanga siagang Kuballei tau garringa, mingka ri maka talluna alloa, laKupa'le'baki jama-jamangKu.’

1 KORINTUS 15:4

le'ba'mi nitarawang, mingka nipattallasa' poleammi ammotere' ri makatalluna alloa. Ia anjo tattulisi' tommi lalang ri Kittaka.

YOSUA 1:11

sollanna a'lampa ke'nanga akkuliling ri sikontu pakkemaanna umma' Israel siagang napabattu anne parentaya angkana, “Appasadiako bokong, nasaba' tallungallo mami numusti a'limbang ri Binanga Yordan untu' ampantamakki pa'rasangang Napassareanga Karaeng Allata'alanu mae ri kau.”

1 SAMUEL 26:13

Nampa a'limbammo Daud anta'leang ri biring lappara' maraenganga sa'genna ri cappa' monconga, sa'genna bella battu ri kemana Saul.