PA'JARIANG 21:6 - KITTA' MATANGKASA'

⁶ Nakanamo Sara, “Napa'jarima' ammakkala', lanri rannuku. Sikontu tau allangngerekai anne passalaka larannu ngasengi ammakkala' siagang inakke.”

PA'JARIANG 21:6 Iomraidhean Croise

PA'JARIANG 17:17

Nampa su'ju'mo Abraham. Mingka ammakkala'mi napikkiri'na angkanaya, “Antekamma batena se'rea bura'ne narapikamo sibilangngang taung umuru'na lakkulle anggappa ana'? Antekamma batena lakkulle Sara allassukang ana' ri umuru' salapang puloa taung?”

PAMMUJI 113:9

Nasarei ana' sikamma baine tamananga, napa'jari amma' mate'ne siagang nipakalompo ri balla'na. Pujimi Batara!

PAMMUJI 126:2

Tulusu' ammakkalakki' siagang akkelong rannu sa'genna nakana bansa-bansaya, “Nagaukammi Batara gau'-gau' hebaka mae ri ke'nanga!”

YESAYA 49:15

Appialimi Batara, angkana, “Maka akkullei se'rea amma' angkaluppai ana'na, siagang tanasayangnga ana' kalenna? Manna pole na nakaluppai, mingka iNakke tena nalaKukaluppaiko!

YESAYA 49:21

Jari lanukana lalang ri pa'mai'nu, ‘Inaika allassukangi anjo ana'-anaka untu' inakke? Sai inakke tappela' ngasemmi ana'-anakku, na kutakkulleamo pole ammana'? Inakke nilalinga' mae ri butta pammelakkanga na kunipakabella siagang niboli' kale-kalengku. Battu kemae ngasengi anjo sikamma ana'-anaka, siagang inai ampakalompoi ke'nanga?’ ”

YESAYA 54:1

O, Yerusalem, riolo rapangko baine tamanang tenaya nakkulle ammana'. Mingka kamma-kamma anne akkio' rannu mako, siagang akkelong mako matte'ne pa'mai'! Saba' teai sipato' jaina ana'nu, la'biangngangi na ana' baine tenaya nibokoi ri bura'nenna.

YEREMIA 20:15

Nitunrai tongi tau angngeranga kabara' ampa'jari sannang duduai manggeku, ri wattunna nipau ri ia, angkana, “Anggappako sitau ana' bura'ne!”

LUKAS 1:14

Lasanna' rannunu, siagang jai tau la'jari rannu punna lassu' sallang anjo anaka!

LUKAS 1:58

Nalangngere' ngasemmi sambori'na siagang bija-bijanna antekamma baji'na Batara mae ri Elisabet. Na rannu ngaseng tommo nyawana ke'nanga sangkamma Elisabet.

ROMA 12:15

Amminawangko rannu siagang tau rannua; siagang amminawang tongko angngarru' siagang tau angngarruka.

IBRANI 11:11

Lanri tappa'na Abraham, nakkullemo angappa ana' battu ri Sara, manna pole natoa dudumo Abraham, siagang natamanang pole Sara. Tappaki Abraham angkanaya ma'nassa laNarupai janjinNa Allata'ala.

1 SAMUEL 1:26

Nakana Hana mae ri Eli, “Pammopporanga' bapa'. Kiu'rangi ija' bapa'? Inakke minne baine le'baka kicini' ammenteng anrinni, appala' doang mae ri Batara.