PA'JARIANG 20:3 - KITTA' MATANGKASA'

³ Ri se'reang bangngi Napappicinikammi KalenNa Allata'ala mae ri anjo karaenga lalang so'na, na Nakana, “Lamateko, lanri nuallena anjo bainea, lanri nia'mo bura'nenna.”

PA'JARIANG 20:3 Iomraidhean Croise

PA'JARIANG 12:17

Mingka lanri niallena Sarai ri karaenga, Napabattumi Batara garring-garring appakamalla' dudua na natuju karaenga siagang sikamma tau niaka lalang ri balla' kakaraenganga.

PA'JARIANG 12:18

Jari nakio'mi karaenga Abram nampa nakuta'nang angkana, “Apa anne nugaukang mae ri nakke? Angngapa natena nupauanga' angkanaya bainennu anjo?

PA'JARIANG 20:7

Mingka kamma-kamma anne poterangi mae ri bura'nenna. Na'bi bura'nenna antu bainea, na lanapappala' doangangko sollanna tena numate. Mingka punna tena nanupoterangi, u'rangi angkanaya ikau siagang sikontu ra'ya'nu lamate ngasengko!”

PA'JARIANG 28:12

Nampa asso'namo lalang tinrona. Nia' nacini' tuka' ammenteng ri buttaya nampa cappa'na ta'rapiki ri langika. Siagang nia'mo malaeka' nai'-naung ri anjo tukaka.

PA'JARIANG 31:24

Ri wattunna bangngi battumi Allata'ala mae ri Laban lalang so'na, na Nakana, “Tutuko, tea' laloko garattaki Yakub manna sibuku kana.”

PA'JARIANG 37:5

Ri se'reang bangngi asso'nami Yusuf. Na ri wattunna nacarita anjo so'nana mae ri sikamma daenna, pila' birisi'mi ke'nanga mae ri ia.

PA'JARIANG 37:9

Nampa asso'namo pole Yusuf, siagang nacaritami pole mae ri sikamma daenna angkana, “Asso'nama' pole. Kuciniki mataalloa, bulanga siagang sampulo asse're bintoeng su'ju' mae ri nakke.”

PA'JARIANG 40:5

Ri se'reang bangngi, massing asso'nami anjo pangngurusu' inunganga siagang pangngurusu' rotia.

PA'JARIANG 40:8

Appialimi ke'nanga angkana, “Ri bangngia massing asso'nai ikambe. Nampa tena tau angngassengi apa battuanna.” Nakanamo Yusuf, “Allata'alaji bawang akkulle assarei taua pakkulle untu' ampakasingaraki battuanna so'naya. Cobasai bedeng carita anjo so'nanu.”

PA'JARIANG 46:2

Ri se'reang bangngi, lalang se're paccini', Nakanamo Allata'ala ri ia, “Yakub, Yakub!” Appialimi angkana, “Iye', Batara.”

1 PATTOTTORANG 16:21

Mingka tena nipa'biangi ri Batara nijallakkang ri bansa maraeng ke'nanga; lanri ke'nanga Nanipakainga' sikamma karaenga angkana,

AYUB 33:15

Kamanna nyamang tinrona taua ri wattu bangngia, A'bicarai Allata'ala lalang so'na siagang paccini'.

AYUB 33:17

PattujunNa, sollanna ammari taua a'gau' dosa na napammari ke'nanga nikanaya borro.

PAMMUJI 105:14

Mingka tena Nalappassangi Batara manna inai anjallakkangi ke'nanga; Napakaingaki sikamma karaenga lanri ke'nanga, Nakana,

YUNUS 3:4

Antama'mi Yunus ri anjo kotaya, na le'baki a'jappa siallo bujuru', appakkaramulami akkato'ba nakana, “Patampulo allopi, nalaancuru' Niniwe!”

PAMMILANGNGANG 22:9

Battumi Allata'ala akkuta'nang ri Bileam Angkana, “Inai anjo tau niaka ammantang ri balla'nu Bileam?”

MATIUS 1:20

Mingka lalang nanawa-nawana Yusuf eroka a'lampa, asso'nami ri wattunna tinro. Lalang asso'nana, nia'mo nacini' sitau malaeka'Na Batara battu mae ri ia angkana, “E, Yusuf, sossoranna Daud, teako mallakki a'nikka siagang Maria; nasaba' anjo ana' natiananganga, pa'jari battu ri gau' makoasaNa RohNa Allata'ala.

MATIUS 27:19

Ri wattunna ammempo Pilatus anjoreng ri kantoro' pangadelanga nia'mi battu pappasanna bainenna angkana, “Tea' laloko pantama'-tamakki kara-karana antu tau tenaya salana. Nasaba' lanri Iami nakunggappa so'na appakamalla'-malla' dudua, anne alloa.”