PA'JARIANG 20:1 - KITTA' MATANGKASA'

¹ A'letteki Abraham battu ri Mamre, ri bageang timboranna butta Kanaan, nampa ammantang anjoreng ri alla'na Kades siagang Syur. Siapa are wattu ribokoanganna, ri wattunna ammantang ri Gerar,

PA'JARIANG 20:1 Iomraidhean Croise

PA'JARIANG 10:19

sa'genna luara'na pa'rasanganna ke'nanga iamintu appakkaramula pa'bambaeng-baenna battu ri Sidon a'lampa timboro' sa'genna Gerar, sa'genna ri ampi'na Gaza, siagang a'lampa anrai' mange ri Sodom, Gomora, Adma, siagang Zeboim, sa'genna ri ampi'na Lasa.

PA'JARIANG 12:9

Nampa napatulusu' pole jappana battu ri anjo tampaka mange ri tampa' maraengannaya, ri bageang timboranna butta Kanaan.

PA'JARIANG 13:1

Nabokoimi Abram Mesir nampa a'lampa wara', mange ri bageang timboranna Kanaan, a'lampa siagang bainenna kammayatompa sikamma barang-baranna. Namminawang todong Lot.

PA'JARIANG 14:7

Le'baki anjo ammotere'mi pole anjo tau angngondanga mange ri En-Mispat, ia niarenga Kades kamma-kamma anne. Nakoasaimi ke'nanga sikontu butta Amalek, kammayatompa nabetami ke'nanga tu Amori niaka ammantang ri Hazezon-Tamar.

PA'JARIANG 16:1

Anjo wattua Sarai, bainenna Abram, tenapa nanggappa ana'. Mingka nia' sitau ata bainena battu ri Mesir, iamintu se're tulolo niarenga Hagar.

PA'JARIANG 16:14

Iaminjo saba'na nanaareng taua anjo bungung niaka ri alla'na Kades siagang Bered, “Bungung battu ri Ia Mattallasaka, Anjampangiai Kalengku.”

PA'JARIANG 16:7

Battumi malaeka'Na Batara mae ri Hagar ri ampi'na timbuseng je'neka ri parang lompoa, ri agang mangea ri parang lompo Sur.

PA'JARIANG 18:1

Napappicinikangi KalenNa Batara mae ri Abraham ri ampi'na poko'-poko' kayu karama' ri ampi'na tampa' passambayanganga ri Mamre. Anjo alloa teai sipato' bambanna alloa, nasitabangi ammempo-mempo Abraham ri pakke'bu' kemana.

PA'JARIANG 21:34

Le'baki anjo ammantammi sallo-sallo sike'de' Abraham ri pa'rasanganna tu Filistin.

PA'JARIANG 24:62

Ilalanna anjo wattua nia'mi Ishak battu ri parang lompoa, allalo ri bungung niarenga “Iami Amparhatikanga'” nammantang ri bageang timboro'na Kanaan.

PA'JARIANG 25:18

Turunganna ke'nanga ammantang ri alla'na daera Hawila siagang Syur, ri bageang rayanganna Mesir a'lampa mangea ri Asyur. Tassa'la'mi ke'nanga battu ri turunganna Abraham maraenga.

PA'JARIANG 26:1

Anjo wattua naallemi cipuru' pa'rasanganga sangkamma apa le'baka kajariang ri jammanna Abraham. Mangemi Ishak andallekang ri Abimelekh, karaeng Filistin, ri Gerar, appala' ising untu' ammantang anjoreng.

PA'JARIANG 26:20

Mingka a'besere'mi sikamma pakalawaki niaka ri Gerar siagang sikamma pakalawakina Ishak. Nakana ke'nanga, “Anne je'neka ikambe pata.” Iaminjo saba'na nanaaremmo Ishak anjo bungunga “Pa'beserang”.

PA'JARIANG 26:26

Ri se'reang allo nia'mi Abimelekh battu ri Gerar, siagang Ahuzat tumailalanna, kammayatompa Pikhol panglima tantarana untu' angngagangi sibuntulu' Ishak.

PA'JARIANG 26:6

Jari ammantammi Ishak ri Gerar.

PAMMUJI 29:8

Sa'ranNa Batara Nage'gosoki parang lompoa, Nage'gosoki Batara parang lompo Kades.

KALAPPASSANG 15:22

Nampa naerammo Musa anjo bansa Israel battu ri Tamparang Alara' mange ri parang lompo niarenga Syur. Tallungalloi ke'nanga a'jappa allalo ri parang lompoa, natale'baka ammuntulu' je'ne'.

PAMMILANGNGANG 13:26

siagang assaremi laporang mae ri Musa, Harun siagang sikontu umma' Israel ia sitabanga nia' asse're ri Kades, ri parang lompo Paran. Nacaritami ke'nanga apa le'baka nacini' siagang napaccinikammi anjo rappo-rappoang naeranga ke'nanga.

PAMMILANGNGANG 20:16

sa'genna akkio' ikambe appala' tulung ri Batara. Nalangngere'mi Batara pakkio'na ikambe nampa nia'mo se're malaeka' Nasuro battu. Anjo malaekaka ampimpingi ikambe assulu' battu ri butta Mesir. Kamma-kamma anne niaki ikambe ri Kades, se'reang kota ri pa'baeng-baenna daerana karaengku.

PAOLE 1:19

“Nampa situru' parentaNa Karaeng Allata'alata, nibokoimi Moncong Sinai nampa a'jappaki' ri parang lompoa siagang sannaka heba'na mange ri daera monconna tu Amori. Ri wattunta battu mange ri Kades-Barnea,

PAOLE 32:51

Ikau sipa'rua tena namajarre' pa'mai'nu mae ri Nakke siagang tena nupakala'birikKa' ri dallekanna bansa Israel ri wattunnu nia' ri timbuseng je'ne' Meriba, ri ampi'na kota Kades, ri parang lompo Zin.

1 SAMUEL 15:7

Le'baki anjo a'bundu'mi Saul siagang tu Amalek, nampa nabeta ke'nanga ri sikamma aganga battu ri Hawila sa'genna ri Syur ri rayanganna Mesir.