PA'JARIANG 2:3 - KITTA' MATANGKASA'

³ Nampa Nabarakkakimo anjo allo makatujua siagang Nasa'la'mi a'jari allo pammari-mariang, lanri iaminjo alloa Nammari-mari Allata'ala ri wattu le'ba'namo Napa'jari jama-jamanNa.

PA'JARIANG 2:3 Iomraidhean Croise

PA'JARIANG 1:31

Naciniki ngasemmi Allata'ala sikontu anjo apa le'baka Napa'jari, siagang sannang sikalimi nyawaNa. Allalomi bangngia siagang battumi bari'basaka. Iaminjo allo makaannanga.

PA'JARIANG 2:2

Ri allo makatujua nale'ba'mo Napa'jari Allata'ala anjo jama-jamanNa, nampa ammari-marimo.

PA'JARIANG 2:4

Kammaminjo riwaya' nipa'jarina sikontu apa-apaya. Ri wattu Napa'jarina Karaeng Allata'ala sikontu apa-apaya,

NEHEMIA 9:14

Allo Pammari-mariang matangkasaka musti napakalompoi ke'nanga, na tete ri Musa Kipassareang hukkunTa.

KALAPPASSANG 23:12

Annangallo akkulleko anjama; mingka ri allo makatujua musti ammari-mariko, sollanna ammari-mari todong olo'-olo'nu, ata-atannu, siagang bansa maraeng anjamaya untu' ikau.

KALAPPASSANG 34:21

Nia' annang allo untu' wattu anjama; teako anjamai ri allo makatujua, manna pole nawattu pappa'jekoang yareka wattu pakkattoang.

PANGNGEBARANG 10:22

Lanri barakka'Na bawang Batara na'jari kalumanynyang taua; anjama terasaka takkulleai natambai barang-baranga.

YEHEZKIEL 20:12

Kusuroi ke'nanga ampakalompoi allo Pammari-marianga salaku pammatei parjanjiangKu siagang ke'nanga, untu' ampiu'rangiangi ke'nanga angkana iNakke Batara, le'baka ansa'laki ke'nanga a'jari ummakKu.

KAIMANGNGANG 23:3

Annang allo sallona taua anjama, mingka ri allo makatujua, iamintu Allo Pammari-marianga, iami allo pammari-mariang nisa'laka untu' mae ri Batara. Ri anjo alloa musti apparekko passibuntulang untu' asse're anggaukangi ibadaya siagang takkulleako anjama.

MARKUS 2:27

Nampa Nakana pole Isa, “Nipa'niaki anjo allo Pammari-marianga untu' rupataua; teai rupataua untu' allo Pammari-marianga.

LUKAS 23:56

Le'baki nitarawang Isa, ammotere'mi ke'nanga appasadia bunga-bunga siagang minynya'-minynya' bau', ero' napake amminynya'-minynyaki maya'Na Isa. Ri wattunna allo Pammari-mariang, ammari-marimi ke'nanga massing ri jama-jamanna, sollanna naturuki ke'nanga apa napassuroanga agamaya.