PA'JARIANG 2:2 - KITTA' MATANGKASA'

² Ri allo makatujua nale'ba'mo Napa'jari Allata'ala anjo jama-jamanNa, nampa ammari-marimo.

PA'JARIANG 2:2 Iomraidhean Croise

PA'JARIANG 1:31

Naciniki ngasemmi Allata'ala sikontu anjo apa le'baka Napa'jari, siagang sannang sikalimi nyawaNa. Allalomi bangngia siagang battumi bari'basaka. Iaminjo allo makaannanga.

PA'JARIANG 2:3

Nampa Nabarakkakimo anjo allo makatujua siagang Nasa'la'mi a'jari allo pammari-mariang, lanri iaminjo alloa Nammari-mari Allata'ala ri wattu le'ba'namo Napa'jari jama-jamanNa.

KALAPPASSANG 23:12

Annangallo akkulleko anjama; mingka ri allo makatujua musti ammari-mariko, sollanna ammari-mari todong olo'-olo'nu, ata-atannu, siagang bansa maraeng anjamaya untu' ikau.

KALAPPASSANG 31:17

Anjo alloa iami a'jari pappiu'rangi tamattappu' ri bansa Israel siagang iNakke, lanri iNakke, Batara, le'ba' ampa'jari langika siagang buttaya lalang annang allo sallona, na ri makatujuna alloa ammariMa' anjama nampa ammari-mari.”

YESAYA 58:13

Nakana Batara, “Pakalompoi allo Pammari-marianga, a'jari allonNa Batara. Teako urusuki kaparalluang kalennu ri anjo alloa. Pakalompoi anjo alloa a'jari allo mate'ne; pakalompoi anjo allonNa Batara iamintu teako a'lampai; teako anjamai yareka a'bicara tenaya matu-matunna.

YOHANES 5:17

Mingka Nakanamo Isa ri ke'nanga, “Sa'genna kamma-kamma anne tuli anjamana BapakKu, jari iaminjo naKuanjama todong.”

PAOLE 5:14

mingka allo makatujua iamintu allo pammari-mariang nisa'laka untu' iNakke, Karaeng Allata'alanu. Anjo alloa tena manna sitau akkulle anjama, baji' naikau, ana'-ana'nu, ata-atannu, olo'-olo'nu yareka bansa maraeng niaka ammantang ri pa'rasangannu. Sikamma atannu musti ammari-mari tongi sangkamma ikau kalennu.

IBRANI 4:10

Nasaba' anjo tau antamaya ri tampa' pammari-mariang Napa'janjianga Allata'ala ri ia, lammari-mari tommi battu ri sikontu jama-jamanna, sangkamma Allata'ala.

IBRANI 4:4

Nasaba' ri passala'na allo makatujua, nia' tattulisi' lalang ri Kittaka angkanaya, “Ri makatujuna alloa ammari-marimi Allata'ala battu ri sikontu jama-jamanNa.”