PA'JARIANG 19:2 - KITTA' MATANGKASA'

² nampa nakana, “O Karaeng-karaeng, maeki' assengka ri ballakku. Akkullei kibissai bangkenta nampa a'bangngiki' ri ballakku. Punna erokki', akkulleki' ambangung bari'basa' nampa kipannarrusu' jappata.” Mingka appialimi ke'nanga angkana, “Tarima kasi, boli'mi kamma ikambe anrinni a'bangngi ri paranna kotaya.”

PA'JARIANG 19:2 Iomraidhean Croise

PA'JARIANG 18:4

Boli'mi kamma nakungngalle je'ne' untu' anbissai bangkenta ngaseng. Mae maki' ammari-mari poso irawanganna anne poko' kayua.

PA'JARIANG 19:1

Le'ba'na nitoana ri Abraham, a'lampami anjo ruaya malaeka' mange ri kota Sodom. Bangngimi nampa battu ke'nanga mange anjoreng. Sitabangi ammempo Lot ri pakke'bu' lompona kotaya anjo wattua. Nacini'na ke'nanga, ammentemmi Lot mange anruppai ke'nanga. Su'ju'mi Lot ri dallekanna ke'nanga,

PA'JARIANG 19:3

Mingka napala' dudumi Lot, na kale'bakkanna antama'mi ke'nanga siagang ia ri balla'na. Appasadiami Lot kanre-kanreang nyamang, siagang attunumi roti siganna'na, nampa angnganremo ke'nanga.

PA'JARIANG 24:31

Nampa nakanamo Laban, “Ikatte tunibarakkakiki' ri Batara, bapa'! Teaki' ammantangngi pantarang anrinni. Umba kimange ri balla'na ikambe. Nia'mo kamara' napasadia ikambe untu' ikatte, siagang nia' tommo tampa'na sikamma untata.”

PA'JARIANG 43:24

Nampa naantara' ke'nanga antama' ri balla'. Nasaremi ke'nanga je'ne' pa'bissa bangkeng. Kammayatompa keledaina ke'nanga nasaremi kanre.

2 SAMUEL 11:8

Nampa nakanamo Daud mae ri Uria, “Ammotere' mako mae ri balla'nu siagang ammari-mari mako sinampe'.” Ri wattunna nabokoimo Uria balla' kakaraenganga, akkirimmi Daud hadia mange ri balla'na Uria.

AYUB 31:32

Tassungkei ballakku mae ri tau kabangngianga; tale'bakai kulappassang ke'nanga a'bangngi ri aganga.

PANGNGEBARANG 25:17

Teako a'mole-mole dudu a'manaikang ri siampi' balla'nu, gassingka lanrei nampa nakabirisiko.

KELONG MALA'BIRI' 5:3

Le'ba'mi kula'gasa' bajungku; apaka kupake poleangi? Le'ba'mi kubissai bangkengku, apaka lakura'massi poleangi?

LUKAS 7:44

Nacinikimi Isa anjo bainea, nampa Nakana ri Simon, “Nuciniki anne bainea? BattuA' anrinni ri balla'nu, natena nupasadiangA' je'ne' pa'bissa bangkeng; mingka anne bainea natangkasi bangkengKu siagang je'ne' matanna, nampa nalu'lu' siagang uu'na.

YOHANES 13:5

Le'baki anjo appanaummi je'ne' ri se'reang katoang, nappakkaramula Nabissai bangkenna ana'-ana' gurunNa. Nampa Nalu'lu' siagang handu' Napasikkoka ri aya'Na.

LAMPA-LAMPANA 16:15

Nije'ne'mi Lidia siagang sikontu bone balla'na. Le'baki nije'ne', nakio' maki' mange ri balla'na. Nakana Lidia, “Punna kipikkiri' ngasengi angkanaya ma'nassa tappa' tojeng-tojemma' ri Isa, umbamo kimange a'bangngi ri ballakku.” Napala' dudumi sollanna niturukiang pappala'na.

IBRANI 13:2

Teako battala' pa'maiki antarimai ri balla'nu tau tenayapa nuassengi. Nasaba' lanri nugaukanna anjo kammaya, nale'ba' nia' tau antarimai malaekaka ri balla'na, na tanaassenga angkanaya malaeka' anjo natarimaya.